KOMISIONERI I LARTË I OKB-së PËR TË DREJTAT E NJERIUT VOLKER TËRK (TÜRK): INTELIGJENCA ARTIFICIALE DHE CENSURA PËRBËJNË KËRCËNIME TË REJA PËR LIRINË E SHTYPIT.

Jorku i Ri, Amerikë | Komisioneri i Lartë i OKB-së për të Drejtat e Njeriut, Volker Tërk (Türk), paralajmëroi të premten për rreziqet e konsiderueshme që paraqet inteligjenca artificiale (IA) për lirinë e shtypit, duke vënë në dukje se shtetet gjithnjë e më shumë e armatosin IA-në për të kufizuar rrjedhën e informacionit.

Në lidhje me Ditën Botërore të Lirisë së Shtypit, e cila zbuloi rritjen e shtypjes mediatike, z. Tërk (Türk) deklaroi: “Algoritmet e bazuara në inteligjencën artificiale shpesh diktojnë atë që shohim, duke formësuar mendimet dhe perceptimet tona për realitetin.

Politikanët përdorin inteligjencën artificiale për të përdorur dezinformimin si armë dhe për të çuar përpara axhendat e tyre.

Shtetet gjithashtu po përdorin mjete të inteligjencës artificiale për të monitoruar gazetarët dhe burimet e tyre në internet, duke shkelur të drejtën e tyre për privatësi.

Kjo ka një efekt të frikshëm tek punonjësit e medias kudo. Dhe gazetaret gra janë në shënjestër në mënyrë disproporcionale”.

Z. Tërk (Türk) u bëri thirrje shteteve të sigurojnë që gazetarët të mbrohen nga sulmet, fushatat e urrejtjes, mbikëqyrja dhe ngacmimi fizik dhe ligjor.

Ai theksoi rëndësinë e transparencës në përdorimin e të dhënave, kurimin e përmbajtjes dhe dizajnin e algoritmeve.

Për më tepër, ai u bëri thirrje shteteve të përditësojnë ligjet e përqendrimit të medias për të reflektuar fuqinë në rritje të inteligjencës artificiale dhe platformave teknologjike dhe për të promovuar një peizazh të larmishëm mediatik që mbështet gazetarinë e pavarur.

Ai theksoi gjithashtu se të paktën 20 gazetarë janë vrarë që nga fillimi i vitit 2025 dhe se pandëshkueshmëria për krimet kundër gazetarëve mbetet e përhapur, me mbi 80 përqind të këtyre vrasjeve që mbeten të pandëshkuara.

Kjo vjen pas raportimit të një rënieje të paparë të treguesit ekonomik në Indeksin Botëror të Lirisë së Shtypit 2025 nga Reporterët pa Kufij (RSF).

Raporti e klasifikoi lirinë globale të shtypit si një situatë të vështirë për herë të parë në historinë e indeksit, megjithëse sulmet fizike kundër gazetarëve mbeten dukshëm një problem i madh.

Për më tepër, sekretari i Përgjithshëm i OKB-së, António Guterres, dha një mesazh të ngjashëm mbi lirinë e shtypit të shtunën.

Ai deklaroi: “Inteligjenca Artificiale duhet të formësohet në një mënyrë që është në përputhje me të drejtat e njeriut dhe i vë faktet në plan të parë”.

Sekretari Guterres theksoi gjithashtu Paktin Global Dixhital, i cili, synon të arrijë disa objektiva, duke përfshirë nxitjen e një hapësire dixhitale të sigurt që mbron të drejtat e njeriut dhe përmirësimin e qeverisjes ndërkombëtare të IA-së.

Kjo është në kohën e duhur me botimin e raportit përfundimtar të Organit Këshillimor të IA-së të OKB-së; “Qeverisja e Inteligjencës Artificiale për Njerëzimin”, i cili, kërkon të mbajë ritmin me evolucionin e Inteligjencës Artificiale.

Shembuj të kohëve të fundit të sfidave ndaj lirisë së shtypit kanë përfshirë presidentin e ShBA-ës Danlld Tramp (Donald Trump) që nënshkroi një urdhër ekzekutiv të enjten për të ndërprerë financimin federal për Radion Publike Kombëtare (NPR) dhe Shërbimin e Transmetimit Publik (PBS).

Të hënën, Komiteti për Mbrojtjen e Gazetarëve (CPJ) dënoi gjithashtu ndalimin e dy gazetarëve në Makao, duke e quajtur këtë veprim një përshkallëzim shqetësues në shtypjen e gazetarisë së pavarur.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit