KOLUMBIA DHE SHBA-ës RIHAPËN BASHKËBISEDIMIN PËR TRAFIKUN E DROGËS.

Bogotë, Kolumbi | Presidenti kolumbian Gustavo Petro zhvilloi një takim të gjatë, të sinqertë dhe konstruktiv me të Ngarkuarin me Punë të ShBA-ës në vend, Xhon Mek’Namara (John McNamara), i cili, u mbajt pas një shkëmbimi të nxehtë debatesh midis kreut të shtetit kolumbian dhe Presidentit amerikan Danlld Tramp (Donald Trump) mbi rezultatet e luftës kundër trafikut të drogës.

Ministria e Jashtme kolumbiane e raportoi këtë në një deklaratë, duke specifikuar se të dy riafirmuan angazhimin e të dyja palëve për të përmirësuar strategjitë kundër narkotikëve dhe pranuan se ky ishte hapi i parë drejt kapërcimit të ngërçit aktual në marrëdhëniet dypalëshe, duke njoftuar takime të reja për të gjetur një zgjidhje të shpejtë.

Gjatë takimit, Presidenti Petro riafirmoi angazhimin e qeverisë për të zgjeruar programin për të zëvendësuar kulturat e paligjshme, duke theksuar nevojën që Shtetet e Bashkuara të bazojnë vlerësimet e tyre në të dhëna reale në luftën kundër drogës, duke korrigjuar llogaritjet e mëparshme.

Në Bogotë, zgjerimi i plantacioneve të reja të gjetheve të kokës u ngadalësua nga +43% në vitin 2021 në +3% në vitin 2024.

Sekuestrimet e kokainës u rritën me 19% vetëm në vitin 2024, duke konfirmuar të pretenduarin efektivitet të strategjive të Kolumbisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit