KISHA ORTODOKSE E GREQISË DËNOI TALLJET NË LOJËRAT OLIMPIKE TË PARISIT ME SIMBOLET DHE PERSONAT FETARË KRYESISHT TË KRISHTERË.

Athinë, Greqi | “Ceremonia e hapjes së Olimpiadës së Parisit përmbante skena talljeje me simbolet dhe personat fetarë kryesisht të krishterë që provokuan ndjenjën fetare dhe besimin e miliarda njerëzve”, tha Kisha Ortodokse e Greqisë.

Kisha shprehu opinionet e saj të para për këtë ngjarje në një mbledhje të Sinodit të saj të Shenjtë, nën kryesimin e Kryepeshkopit të Athinës Jeronimos (Ieronymos).

“Është detyrë e të gjithëve që të nderojmë dhe respektojmë simbolet e të gjitha feve, pavarësisht nga feja, në mënyrë që të shmangim fenomene të ngjashme trishtuese në të ardhmen”, thuhet në një deklaratë nga sinodi.

“Sinodi përgëzoi olimpistët e vendit, të cilët edhe një herë u bashkuan dhe bënë krenarë të gjithë grekët dhe u uroi atletëve që do të marrin pjesë në Lojërat Paralimpike fuqi dhe sukses të Zotit në përpjekjet e tyre”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit