KIRURGJIA PLASTIKE MUND TË ZVOGËLOJË MARRJEN E ANTIDEPRESIVËVE.

Romë, Itali | Mbështetja te kirurgjia plastike për të përmirësuar perceptimin e trupit të dikujt mund të përmirësojë shëndetin mendor të pacientit, duke zvogëluar nevojën për ilaçe.

Një studim italian, i botuar në revistën amerikane “Plastic and Reconstructive Surgery Journal”, tregon se si kirurgjia për të korrigjuar diastazën e rektumit është e lidhur me një ulje të marrjes së barnave psikotrope të përdorura për të trajtuar ankthin, depresionin dhe pagjumësinë.

Diastaza e rektumit është një gjendje në të cilën muskujt e rektumit abdominis ndahen, duke krijuar një zonë dobësie që shkakton një ndryshim në profilin e murit të barkut.

Në Itali prek afërsisht 30% të grave pas lindjes, me mbi 100 mijë raste çdo vit.

Një problem që nuk është vetëm estetik në natyrë, por mund të shkaktojë mosmbajtje urinare, dhimbje shpine dhe ndryshim të funksionit normal gastrointestinal, por që mund të korrigjohet me kirurgji plastike.

Shumica e studimeve të mëparshme kanë dokumentuar përmirësime në vetëvlerësim dhe shëndet mendor pas kirurgjisë plastike, por pak prej tyre janë përqendruar në implikimet farmakologjike të këtyre procedurave.

“Studimi i ri ofron një kontribut inovativ në literaturën ekzistuese mbi përfitimet psikologjike të kirurgjisë kozmetike”, vërejti koordinatori, Damiano Tambasako (Tambasco), kreu i Njësisë së Kirurgjisë Plastike në Spitalin San Carlo di Nancy në Romë.

Pacientët e përfshirë, të rritur të moshës 18 deri në 65 vjeç, të diagnostikuar me depresion ose çrregullime ankthi, iu nënshtruan lipoabdominoplastikës dhe korrigjimit të diastazës së rektumit, të kombinuar me liposuksion për të përmirësuar riformësimin e barkut.

Në fund të studimit, numri i pacientëve që merrnin ilaçe psikotrope të tipit benzodiazepine kishte rënë me 17%.

Midis tyre, 61% e tyre e ulën dozën me më shumë se 5 pika ose gjysmë pilule, dhe 20% madje e ndaluan atë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit