___.png)
Berlin, Republika Federale Gjermane | “NATO duhet të zgjerojë praninë e saj në Grenlandë, duke pasur parasysh shtytjen e presidentit amerikan Danlld Tramp (Donald Trump) për të marrë kontrollin e ishullit”, tha kancelari gjerman Olaf Sholc (Scholz), transmeton agjencia ruse e lajmeve Tass.
Sipas kancelarit Sholc (Scholz), parimi i paprekshmërisë së kufijve duhet të zbatohet për të gjithë.
“Ndryshimet klimatike po ndryshojnë rajonin e Arktikut, duke hapur korsi të reja detare, për të cilat, Kina dhe Rusia kanë një interes të madh.
Pra, ka çështje legjitime të sigurisë që ne duhet t'i diskutojmë mes vete brenda NATO-s.
Sipas mendimit tim, ne duhet të rrisim praninë e NATO-s në Grenlandë.
Si kancelar i vendit më të madh në Bashkimin Europian, unë besoj se është detyra ime të qëndroj në këmbë dhe të flas hapur kur një vend i vogël si Danimarka sfidohet”, tha ai.
Megjithatë, kancelari Sholc (Scholz) tha se do të vazhdojë të bëjë më të mirën për të mbajtur marrëdhënie të mira me Uashingtonin edhe kur gjërat bëhen më të ashpra.
Në vitin 1951, Uashingtoni dhe Kopenhaga nënshkruan Traktatin e Mbrojtjes së Grenlandës, duke u pajtuar që të mbrojnë ishullin nga agresioni i jashtëm.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments