KANCELARI AUSTRIAK KRISTIAN STOKËR (CHRISTIAN STOCKER): RREGULLAT E AZILIT TË BE-SË JANË TË VJETRUARA DHE TË PAMJAFTUESHME; NEVOJITEN REFORMA NË TË KUNDËRT E DJATHTA RADIKALE DO FUQIZOHET.

Vjenë, Austri | “Rregullat aktuale të azilit të Bashkimit Evropian nuk korrespondojnë më me qëllimet e tyre origjinale dhe duhet të reformohen thellësisht”.

Kancelari austriak Kristian Stokër (Christian Stocker) e tha këtë në një intervistë me gazetën britanike “Financial Times”, duke theksuar se rregulla të tilla kontribuojnë në nxitjen e rritjes së të djathtës radikale dhe nuk garantojnë më stabilitet dhe kënaqësi për qytetarët.

Kreu i Partisë Popullore Austriake (OVP), Stokër (Stocker) kryeson koalicionin e parë trepalësh në historinë e Austrisë dhe ka thënë se është i vendosur t'u përgjigjet shqetësimeve të popullsisë, të përkeqësuara nga suksesi historik i Partisë së Lirisë (FPO) në zgjedhjet e vitit 2024.

Ndër masat e para të miratuara nga ekzekutivi i tij janë kufizime të reja për ribashkimin familjar për azilkërkuesit, të akuzuar për ndikim negativ në integrimin shkollor dhe sigurinë urbane.

Kancelari përsëriti se amendamentet e miratuara mbajnë firmën e OVP-së dhe nuk janë një miratim i thjeshtë i qëndrimeve të së djathtës ekstreme.

“Duhet të kthehemi te rrënjët e asaj që do të thotë ligji i azilit, për t'u siguruar që ai të zbatohet vetëm për ata që kanë vërtet nevojë për të”, tha ai.

Në të njëjtën linjë, Ministrja e Jashtme Beate Meinl-Reisinger bëri thirrje për një kuadër të ri ligjor evropian dhe për përfundimin e marrëveshjeve me vendet e origjinës.

“Partnerët e BE-së duhet të zgjohen dhe të kuptojnë se cila është situata”, tha ajo.

Në nivelin politik, kancelari Stokër (Stocker) e justifikoi përpjekjen fillestare për dialog me FPO-në duke thënë se kishte shpresuar për një evolucion të udhëheqësit të saj Herbert Kikl (Kickl), i cili, në vend të kësaj dukej më i interesuar në shkatërrim sesa në përmirësim.

Kancelari hodhi poshtë idenë e një muri zjarri kundër partive radikale të krahut të djathtë, duke theksuar se FPÖ-ja tashmë qeveris në pesë nga nëntë shtetet e Austrisë.

“Nuk ka të bëjë me ndërtimin e mureve, por me shuarjen e zjarrit”, tha ai.

Qeveria po përballet gjithashtu me një recesion të zgjatur dhe një deficit prej 4.7 përqind të PBB-së.

Plani i rimëkëmbjes i nisur këtë vit përfshin një rregullim buxhetor prej 6 miliardë eurosh, kryesisht përmes shkurtimeve të shpenzimeve.

“Sfida - përfundoi kancelari stoker (Stocker) është të ringjallet besimi, vetëm në këtë mënyrë do të rifillojnë konsumi dhe investimet”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit