IZRAELI PEZULLOI HYRJEN E NDIHMAVE HUMANITARE NË RRIPIN E GAZËS SI HAKMARRJE PËR REFUZIMIN E HAMASIT PËR TË PRANUAR “PLANIN WITKOFF”

Jeruzalem, Izrael | “Izraeli ka pezulluar hyrjen e ndihmave humanitare në Rripin e Gazës dhe ka mbyllur kalimet”, tha zyra e kryeministrit Benjamin Netanjahu.

Vendimi u mor gjatë një takimi natën vonë mes së shtunës dhe të dielës, në koordinim me Shtetet e Bashkuara, pas përfundimit të fazës së parë të marrëveshjes së pengjeve.

Lëvizja lidhet me refuzimin e Hamasit për të pranuar të ashtuquajturin “Plan Witkoff”.

“Izraeli nuk do të lejojë një ndërprerje të armiqësive pa lirimin e pengjeve tanë. Nëse Hamasi vazhdon refuzimin e tij, do të ketë pasoja të mëtejshme”, thuhet në një deklaratë nga zyra e kryeministrit izraelit Benjamin Netanjahu.

“Me përfundimin e fazës A të marrëveshjes për lirimin e pengjeve dhe pas refuzimit të Hamasit për të pranuar planin e Uitkofit (Witkoff) për të vazhduar bisedimet - të cilën Izraeli e ka pranuar - kryeministri Netanjahu ka vendosur që, duke filluar nga mëngjesi i sotëm, hyrja e mallrave dhe furnizimeve në Rripin e Gazës do të ndërpritet”, thuhet në deklaratë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit