IZRAELI NUK DO TË BASHKËPUNOJË ME MINISTRAT ARABË NË BREGUN PERËNDIMOR.

Jeruzalem, Izrael | “Izraeli nuk do të bashkëpunojë në një vizitë në Bregun Perëndimor nga një grup ministrash të jashtëm arabë”, tha një zyrtar izraelit, pasi një burim diplomatik saudit tha se diplomati më i lartë i mbretërisë, Faisal bin Farhan, do të udhëtojë nesër për në Ramallah për t'u takuar me presidentin e Autoritetit Palestinez, Mahmoud Abbas.

“Autoriteti Palestinez, i cili, ende refuzon të dënojë masakrën e 7 tetorit, kishte ndërmend të organizonte një takim provokues të ministrave të jashtëm arabë në Ramallah për të diskutuar promovimin e krijimit të një shteti palestinez”, tha zyrtari izraelit mbrëmë.

“Izraeli nuk do të bashkëpunojë me veprime të tilla që synojnë të dëmtojnë veten dhe sigurinë e tij”, shtoi ai.

Dje, gazeta Kohërat e Izraelit (Times of Israel), duke cituar një zyrtar të lartë izraelit, shkroi se Izraeli ka vendosur të parandalojë delegacionin e ministrave të jashtëm arabë, përfshirë Emiratet e Bashkuara Arabe, Egjiptin, Jordaninë, Katarin dhe Turqinë - të udhëhequr nga Faisal bin Farhan - që të bëjnë vizitën e tyre historike në Bregun Perëndimor nesër.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit