IZRAELI NEUTRALIZOI ME DRON KOMANDANTIN E FORCAVE RADUAN TË HEZBOLLAHUT | FORCA RADUAN (RADWAN) KA PËR DETYRË TË ZBATOJË PLANIN E HEZBOLLAHUT PËR TË PUSHTUAR IZRAELIN VERIOR.

Jeruzalem, Izrael | Një tjetër sulm i shënjestruar nga ushtria izraelite kundër një zyrtari të Hezbollahut.

Një dron izraelit pikasi dhe neutralizoi komandantin e Forcave Raduan (Radwan) të Hezbollahut, Hussein Ibrahim, në rajonin Dzur të Libanit jugor.

Komandanti i lartë i Hezbollahut ishte duke hipur në një motoçikletë kur droni izraelit e vuri re dhe e neutralizoi duke gjuajtur një raketë.

Forca Raduan (Radwan) ka për detyrë të zbatojë planin e Hezbollahut për të pushtuar Izraelin verior.

Neutralizimi i z. Hussein Ibrahim konsiderohet një tjetër goditje e madhe për grupin me bazë në Liban dhe, sipas ekspertëve, pritet të nxisë më tej tensionin në rajon.

Disa orë më parë, Izraeli kishte marrë një “shi” me të paktën 55 raketa të lëshuara nga territori libanez.

Nga ky sulm kanë mbetur të plagosur dy persona të cilët janë dërguar në spital.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit