___.png)
IZRAEL | MINISTRI I FINANCAVE BEZALEL SMOTRIÇ (SMOTRICH): SIGURIA NDËRTOHET ME FORCË JO ME TËRHEQJE.
- Agjencia Telegrafike Vox
- 6 days ago
- 2 min read
Jeruzalem, Izrael | “Siguria e Izraelit ndërtohet nëpërmjet forcës, jo nënshtrimit dhe tërheqjes”.
Kështu tha Ministri izraelit i Financave, Bezalel Smotriç (Smotrich) në rrjetin social virtual Iks (X), duke lavdëruar pushtimin e Kështjellës Bofor (Beaufort) në Libanin jugor nga Forcat e Mbrojtjes së Izraelit (IDF).
Në vitin 1982, trupat izraelite pushtuan fortesën gjatë Luftës së Parë të Libanit.
Ushtarët nga Brigada Golani - e cila gjithashtu udhëhoqi ofensivën e fundit - luftuan kundër Organizatës Çlirimtare të Palestinës dhe gjashtë ushtarë humbën jetën në betejë.
Forcat izraelite fituan kontrollin e zonës gjatë pranisë së tyre 18-vjeçare në Libanin jugor, nga viti 1982 deri në vitin 2000, përpara se të tërhiqeshin.
“Ne u premtuam banorëve heroikë të veriut (të shtetit hebre) siguri të qëndrueshme dhe po veprojmë me vendosmëri për ta arritur atë.
Kthimi në Beaufort është një shprehje e korrigjimit të mëkateve të vjetra kombëtare dhe koncepteve të shtrembëruara.
Ne ikëm nga Libani dhe u përballëm me katastrofën e Luftës së Dytë të Libanit dhe forcimin monstruoz të Hezbollahut, të cilin tani duhet të punojmë për ta eliminuar.
Ne ikëm nga Rripi i Gazës dhe u përballëm me katastrofën e 7 tetorit.
E majta mbështet tërheqjen dhe dobësinë.
Heronjtë e tyre të tastierës vetëm kohët e fundit kanë zhvilluar një fushatë të pamatur këtu duke na bërë thirrje t'i nënshtrohemi Hamasit dhe të tërhiqemi nga Gaza, duke braktisur sigurinë e banorëve të jugut”.
Kështu tha Ministri Smotriç (Smotrich), i cili i përket partisë së Sionizmit Fetar.
“Ne nuk i jemi nënshtruar dhe nuk do t'u nënshtrohemi këtyre dobësive.
Unë do të vazhdoj të kërkoj dhe të promovoj një koncept të kontrollit të përhershëm territorial dhe një agresioni ushtarak jashtëzakonisht të pazakonshëm”, tha ndër të tjera Ministri Smotriç (Smotrich).
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments