___.png)
Romë, Itali | Një burrë që punon në një qendër kërkimore të energjisë bërthamore jashtë Romës thuhet se është kontaminuar me plutonium.
Në përfundim të orarit të punës, punëtori u testua dhe u konstatua se niveli i plutoniumit në veshjet e tij ishte një mijë njësi më i lartë se kufiri maksimal i lejuar.
Lajmi bëhet i ditur nga të gjitha mediat e vendit, të cilat shtojnë se janë duke u kryer hetime të mëtejshme.
Ndotja me këtë material radioaktiv dyshohet se ka ndodhur katër ditë më parë dhe siç u bë e ditur, autoritetet kompetente kanë mbledhur menjëherë informacion nga drejtuesit e uzinës.
Sipas informacioneve të deritanishme, shëndeti i punonjësit nuk thuhet të jetë në rrezik serioz, ndërkohë që po kryhen kontrolle për të përcaktuar nëse nuk janë respektuar procedurat e parashikuara të sigurisë dhe mbrojtjes së personelit.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentários