___.png)
Rexhio Emilia, Itali | Dy fletëpalosje “revizioniste dhe konspirative” u shpërndanë të mërkurën nga një mësuese e letërsisë nxënësve të klasës së pestë të shkollës së mesme Aldo Moro, në Rexhio Emilia (Reggio Emilia).
Historia shkaktoi bujë në ditën e fundit të shkollës.
Këtë e raporton enti mediatik Gazeta e Rexhios (Gazzetta di Reggio).
Në ato fletë, në fakt, nga njëra anë sulmohet Axhenda 2030, e cila nuk ka si objektiv zhvillimin e qëndrueshëm sipas mësuesit, por:
1- Vaksinimet e detyruara.
2- Kontrollin e burimeve.
3- Racionimin e ujit.
Pjesa e dytë e materialit të shpërndarë ka të bëjë me Rezistencën kundër fashizmit, një shpikje, sipas profesoreshës.
Në fletë, sipër një foto bardh e zi me tre partizanë, lexojmë një tekst plot gabime gramatikore: “A kemi partizane? Jo, nuk duket kështu, pra çfarë të bëjmë, merrni tre vajza dhe armatoseni në foto, por partizanët, siç tha Albertaci (Albertazzi), zakonisht shihen nga pas, dhe ne i shohim nga përpara: e para në të djathtë ka një pushkë që është ndoshta paksa shumë e lubrifikuar dhe për këtë arsye ka një shami ose një gazetë për të mos u ndotur... Padyshim, e dyta, duke mos ditur ta mbajë, vendos ta tërheqë zvarrë pushkën duke e mbajtur si çadër.
Dhe përsëri: Ajo e majta dëshiron shumë të vrasë dikë dhe po e synon me një vrull luftarak.
Sa keq... pushka është përmbys kështu këmbëza po shikon lart. Foto e bukur që konfirmon një rezistencë të lindur pas shtatorit 8 1943, e paguar nga aleatët, e shpikur si kjo foto.
Në orët pas zbulimit të këtij materiali, mësuesit e gjimnazit i raportuan drejtorit të institutit, i cili po vlerëson se çfarë duhet bërë.
Nga z. Erton Duka.
