ISH-MINISTRI FRANCEZ I EKONOMISË BRUNO LE MAIRE: DOLLARIT AMERIKAN PO I LËKUNDEN KËMBËT; BËNI EURON NJË MONEDHË REFERENTE BOTËRORE.

Paris, Francë | Dollari mbret po lëkundet dhe përballë shenjave të tij të dobësisë, është e nevojshme që të bëjmë euron një monedhë referimi botërore.

Kjo është ajo që pohon ish-ministri francez i ekonomisë Bruno Le Maire. Dollari mbetet monedha kryesore rezervë botërore dhe pjesa më e madhe e tregtisë me lëndë të para si nafta dhe gazi mbetet e shprehur në dollarë.

“Megjithatë - thekson z. Le Maire - nën ndikimin e presidentit të Shteteve të Bashkuara (Donald Trump) dhe administratës së tij në krye dollari po bie, monedhat e tjera po rriten dhe flitet për largim masiv nga bonot e thesarit të ShBA-ës nga investitorët kinezë dhe japonezë në dritën e politikës tregtare të presidentit Tramp (Trump); rritja e papritur e detyrimeve, embargoja ndaj produkteve kineze, kërcënimet kundër aleatëve të tij”.

“Wall Street nuk e pëlqen anarkinë. Dhe as për pjesën tjetër të botës. Rezultati: një humbje e përhapur e besimit”, tha ish-ministri francez në një mesazh të gjatë në rrjetin social virtual Iks (X).

“Evropianët mund të vijnë në shpëtimin e dollarit, në një përpjekje të dëshpëruar për të shpëtuar rendin ndërkombëtar të pas vitit 1945 që është në gërmadha.

Kërkesa vjen drejtpërdrejt nga Shtëpia e Bardhë, e cila, shpiku këtë ide të paqartë të bonove të thesarit 100-vjeçare pa interes”, vuri në dukje z. Le Maire.

“Marrëveshja është e qartë: financoni borxhin tonë duke blerë këto bono thesari, në këmbim të të cilave do të shmangni tarifat. Ky zakon i ri amerikan për të mbajtur një armë në kokat e aleatëve të tij është i habitshëm dhe i neveritshëm”, shtoi ai.

Alternativa për Evropën është të pranojë se dobësimi i dollarit është strukturor, se besimi është minuar, se investitorët po kërkojnë strehë të reja dhe se të gjithë e shohin zhvendosjen e tre kontinenteve kryesore ekonomike dhe financiare - Shtetet e Bashkuara, Kinë dhe Evropë - si tejkalim edhe të parashikimeve më radikale.

“Pas botës unipolare të dollarit, një botë trepolare tashmë po shfaqet. Për herë të parë që nga viti 1945, evropianët kanë një mundësi unike për ta bërë euron një monedhë referimi botërore: një mundësi unike për të rritur moshën”, argumentoi z. Le Maire.

“Sa më shumë tregtia të jetë e shprehur në euro, aq më e madhe është leva e shteteve evropiane në negociatat me partnerët e tyre tregtarë, përfshirë Shtetet e Bashkuara.

Më në fund do të jemi në gjendje të importojmë gaz dhe naftë, të cilat, do të na duhen për dekada, pa rrezik këmbimi.

Ne ishim një fuqi e madhe tregtare, por një fuqi e vogël financiare, mund të jemi një fuqi e madhe tregtare dhe një fuqi e madhe financiare”, shpjegoi ish-ministri francez.

“Për më tepër, ne do të jemi në gjendje të marrim hua së bashku me norma të ulëta, në mënyrë që të mund të financojmë investimet tona me një çmim të volitshëm.

Pasi kam negociuar me homologun tim gjerman Olaf Sholc (Scholz) në vitin 2020 borxhin e parë të përbashkët në historinë tonë evropiane, me mbështetjen e vendosur të kancelares Angela Merkel dhe presidentit Emanuel Makron, mund të dëshmoj se kjo ka ndryshuar dikur situatën në Evropën tonë tabu, …”, vazhdoi ai, duke iu referuar Next Generation Eu.

“Evropianët përballen me një zgjedhje të thjeshtë: të investojnë ose të vdesin; në inteligjencën artificiale, mbrojtjen, gjysmëpërçuesit, satelitët e komunikimit në mënyrë që të mos varen nga rrjeti Starlink dhe disponimi i pronarit të tij Illn Mask (Elon Musk)”, vazhdoi z. Le Maire.

Për të arritur një euro referencë ish-ministri tregoi tre hapa.

Para së gjithash, duke i dhënë thellësi dhe likuiditet tregut evropian të borxhit, për shembull duke bashkuar titujt e borxhit të Bankës Evropiane të Investimeve (EIB) dhe të Gjeneratës së ardhshme të BE-së në një vlerë të vetme ose duke i kërkuar Komisionit Evropian të konsiderojë bashkimin e të gjitha borxheve kombëtare mbi një kufi 50 për qind.

Së dyti, ne kemi nevojë për një bashkim të tregjeve të kapitalit: Pa këtë bashkim financiar, ne mund të harrojmë diversifikimin e industrisë sonë, financimin e investimeve më të rrezikshme, mbështetjen e bizneseve tona fillestare më inovative dhe zhvillimin e laboratorëve tanë të kërkimit.

Së treti, nevoja për mjete të reja pagese: Si mund të pretendojmë pavarësinë kur 80 për qind e pagesave tona bëhen me anë të Visa, Mastercard ose PayPal, d.m.th. kartave apo terminaleve amerikane?

Është koha të pajisemi me mjete evropiane të pagesës. Ndërkohë, siç sugjeron Banka Qendrore Evropiane (BQE), ne duhet të kontribuojmë gjithashtu për të përshpejtuar zbatimin e monedhës sonë të re dixhitale.

“Dje, bota rrotullohej rreth dollarit. Nesër, mund të shfaqen tre pole tërheqëse financiare: dollari, juani dhe euro.

Nëse evropianët e shfrytëzojnë këtë mundësi, ata do të kenë një monedhë referimi që do të jetë një armë vendimtare për të mbrojtur interesat e tyre dhe vizionin e tyre për botën.

Në këtë botë në zhvillim, ne mund të imagjinojmë partneritete të forta alternative me Afrikën e Jugut, … një monedhë referencë është mjeti më i mirë për këtë”, tha ish-ministri francez i Ekonomisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit