INSTITUTI I KËRKIMIT TË PAQES NË STOKHOLM “SIPRI”: UKRAINA ËSHTË IMPORTUESI MË I MADH I ARMËVE NË BOTË.

Berlin, Republika Federale e Gjermanisë | Që nga fillimi i luftës ruse të agresionit, Kievi ka importuar sasi masive armësh - më shumë se çdo vend tjetër në botë.

Sipas institutit të kërkimit të paqes SIPRI, Evropa gjithashtu po rrit ndjeshëm praninë e saj ushtarake. Edhe për shkak të presidentit amerikan Danlld Tramp (Donald Trump).

Asnjë vend tjetër në botë nuk ka marrë më shumë armë se Ukraina në vitet e fundit. Kështu thuhet në një raport të Institutit të Kërkimit të Paqes në Stokholm SIPRI.

Importet ukrainase të pajisjeve ushtarake u rritën me pothuajse 100 herë në krahasim me dy periudhat e fundit pesëvjeçare.

Në rrjedhën e mbrojtjes së saj kundër luftës së agresionit rus, e cila, ka vazhduar për rreth tre vjet, Ukraina është bërë importuesi më i madh i armëve në botë.

Sipas informacioneve, vendi tani përbën 8.8 për qind të vëllimit të përgjithshëm global të importeve të armëve të rënda.

Këto përfshijnë tanke, avionë luftarakë dhe nëndetëse.

Pas pesë viteve janë India (8.3 përqind), Katari (6.8), Arabia Saudite (6.8) dhe Pakistani (4.6).

Gjermania renditet vetëm e 33-ta - por është eksportuesi i pestë më i madh i armëve në botë.

Pas pushtimit rus të Ukrainës në shkurt 2022, sipas Sipri-t, të paktën 35 vende furnizuan me armë vendin e sulmuar, kryesisht si ndihmë ushtarake, për t'u mbrojtur nga sulmi.

Furnizuesit më të mëdhenj ishin ShBA-ës, eksportuesi më i madh i armëve në botë (45 përqind), si dhe Gjermania (12 përqind) dhe Polonia (11 përqind).

Administrata amerikane e presidentit Danlld Tramp (Donald Trump) ka bërë një kthesë radikale në politikën e Ukrainës dhe ka pezulluar përkohësisht  ndihmën ushtarake për vendin.

Shtëpia e Bardhë tha se masa kishte për qëllim të detyronte presidentin ukrainas Volodimir Zelenski të hynte në negociatat e paqes.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit