___.png)
Uashington, Amerikë | I dërguari special i presidentit Tramp për Rusinë dhe Ukrainën po largohet nga hapësira ajrore ruse së bashku me z. Mark (Marc) Fogel, një amerikan që po mbahej në paraburgim në Rusi.
Këtë e ka bërë të ditur Shtëpia e Bardhë.
“Sonte, Fogel do të jetë në tokën amerikane dhe do të ribashkohet me familjen e tij falë udhëheqjes së presidentit Tramp”, thuhet në deklaratë.
“Presidenti Tramp, i dërguari i posaçëm Stiv Uitkof (Steve Witkoff) dhe këshilltarët e presidentit kanë negociuar një shkëmbim që shërben si një demonstrim i mirëbesimit nga rusët dhe një shenjë se ne po lëvizim në drejtimin e duhur për t'i dhënë fund luftës brutale dhe të tmerrshme në Ukrainë”, tha Shtëpia e Bardhë, duke theksuar se presidenti Tramp do të vazhdojë të punojë për kthimin e të gjithë amerikanëve të ndaluar.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments