___.png)
Karolina e Veriut, Amerikë | Sipas një studimi të fundit, një studim në 141 vende zbuloi se mbi 52% e të anketuarve presin dëme të rënda nga uji i pijshëm brenda dy viteve të ardhshme.
Studimi, i botuar së fundmi në Nature Communications, analizoi të dhënat nga më shumë se 148000 të rritur nga anketa globale e rrezikut të Fondacionit Lloyd's Register 2019.
Studiuesit nga Universiteti Northwestern dhe UNC zbuluan se në Shtetet e Bashkuara, pavarësisht se mbi 97% e popullsisë kishte akses në ujë të pastër, rreth 40% e njerëzve prisnin dëm.
Shkalla më e ulët u raportua në Singapor (0.9%) dhe më e larta në Zambia (54.3%).
“Gjetjet treguan se qasja në ujë të pastër ka të bëjë më pak me ndërtimin e më shumë infrastrukturës, por shumë më tepër me perceptimet publike për sigurinë dhe besimin”, tha autori kryesor i studimit Joshua D. Millër (Miller), një student postdoktoral në Universitetin e Karolinës së Veriut.
“Por perceptimi i njerëzve mund të mos jetë i gabuar”, tha ai. Pyetja e madhe me zbulimin është nëse perceptimet e njerëzve janë të vërteta, tha z. Millër (Miller).
Ai tregon për një raport të fundit të botuar në revistën Science nga studiues zviceranë, i cili vlerëson se 4.4 miliardë njerëz në mbarë botën nuk kanë qasje në ujë të pastër.
“Fillimisht ne menduam se shifra ishte rreth 2.2 miliardë, por ndërsa njerëzit filluan të mbledhin më shumë të dhëna dhe të përpiqeshin të bënin vlerësime të reja të cilësisë së ujit... tani ajo është dyfishuar...”, tha z. Millër (Miller).
“Njerëzit kanë një sens të mirë përmes shijes dhe nuhatjes dhe përvojave historike nga përjetimi i dëmtimit të ujit, duke ditur nëse është apo jo e sigurt për të pirë ujë”, tha ai.
Nga ana tjetër, ai theksoi se perceptimet e njerëzve çojnë në sjellje që formësojnë vendimet dhe rezultatet e tyre shëndetësore.
“Kur nuk i besojmë ujit të rubinetit, ne blejmë ujë në shishe, i cili është jashtëzakonisht i shtrenjtë dhe dëmton mjedisin - ne pimë pije joalkoolike ose pije të tjera me sheqer, të cilat janë të forta për dhëmbët - dhe hamë ushqime komode shumë të përpunuara, ose shkojmë në restorante për të shmangur gatimin në shtëpi, i cili është më pak i shëndetshëm dhe më i shtrenjtë”, tha Sera L. Young, autorja kryesore e studimit, në një deklaratë për shtyp.
“Individët që vetë-raportojnë ekspozimin ndaj ujit të pasigurt përjetojnë stres më të madh psikologjik dhe janë në rrezik më të madh të depresionit sesa ata që nuk e bëjnë këtë”, shkruan autorët në studimin e tyre.
Studimi i Nature Communications zbuloi se perceptimi publik i korrupsionit është parashikuesi më i fortë i parashikimit të rreziqeve nga uji i pijshëm.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments