___.png)
Londër, Britani e Madhe | Temperaturat e larta dhe nivelet e larta të lagështisë janë dy faktorë që mund të shkaktojnë pasoja të rënda shëndetësore për njerëzit me presion të lartë të gjakut dhe sëmundje të zemrës.
“Në verë, presioni i gjakut mund të ndikohet nga përpjekjet e trupit për të ulur temperaturën duke emetuar nxehtësi. Temperaturat e larta dhe lagështia rrisin qarkullimin e gjakut në lëkurë. Ky fakt shkakton takikardi, pasi qarkullon dy herë më shumë gjak në minutë sesa në një ditë normale”.
Rreziqet më të mëdha lindin kur është nxehtë dhe lagështia është mbi 70%. Disa njerëz (mbipeshë ose me sëmundje të zemrës, mushkërive ose veshkave) janë në rrezik më të lartë për t'u prekur nga lagështia dhe nxehtësia, siç janë të moshuarit.
Nxehtësia dhe djersa gjithashtu mund të zvogëlojnë sasinë e lëngjeve në trup, gjë që mund të ulë vëllimin e gjakut dhe të çojë në dehidrim.
Kjo ndikon në aftësinë e trupit për t'u ftohur dhe gjithashtu mund të ndikojë negativisht në sistemin kardiovaskular.
Kur trupi humbet më shumë lëngje sesa merr, ai ka vështirësi në kryerjen e funksioneve të tij normale.
Çdokush mund të dehidrohet, gjë që mund të çojë në komplikime serioze. Ka njerëz që janë në rrezik më të madh për shkak të moshës, kushteve kronike ose aktiviteteve në natyrë si puna apo ushtrimet.
Shenjat paralajmëruese: Shenjat paralajmëruese që trupi juaj po ndikohet nga nxehtësia përfshijnë:
1- Lëkurë e ftohtë.
2- Konfuzion.
3- Marramendje.
4- Çorientim.
5- Puls i shpejtë.
6- Djersitje e tepruar.
7- Lodhje.
8- Dhimbje koke.
9- Ngërçe ose spazma muskulore.
10- Nauze.
Të rriturit me sëmundje të zemrës, probleme me mushkëritë dhe veshkat, ose që marrin diuretikë, qetësues ose ilaçe për presionin e gjakut, njerëzit në një dietë me pak kripë ose me natrium të ulët janë në rrezik më të madh.
Njerëzit me histori të presionit të lartë të gjakut duhet ta monitorojnë atë gjatë valëve të të nxehtit.
Ata gjithashtu duhet të pinë shumë lëngje për të qëndruar të hidratuar, të shmangin vapën e mesditës, të kenë një dietë të shëndetshme, të aplikojnë krem kundër diellit kur janë jashtë dhe të mbajnë një kapele.
Në shumicën e rasteve, kur keni dyshime, qëndroni në një ambient të freskët në shtëpi.
“Ju duhet të gjeni mënyra për ta mbajtur trupin tuaj të freskët gjatë temperaturave të larta dhe gjithashtu t'i ruani ilaçet tuaja siç duhet në një vend të freskët dhe të thatë në mënyrë që të mos ekspozohen ndaj nxehtësisë së tepërt sepse disa ndikohen nga ndryshimet e temperaturës.
Gjithashtu, disa medikamente mund të ndikojnë në aftësinë tuaj për të qëndruar të hidratuar dhe për t'iu përgjigjur temperaturave të larta, të tilla si antihipertensivë (beta-bllokues dhe diuretikë).
Do të ishte mirë të kontaktoni mjekun tuaj personal në rast se keni nevojë të modifikoni mjekimin tuaj”.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Yorumlar