top of page
E BARDHË SHIRIT.png

GREQI: NË KUADËR TË NJË SULMI TË ARMATOSUR U VRA IRAKLI DAVELLA | I PLAGOSUR MBETI EDI LULO (I NJOHUR EDHE SI EDMOND HYSA).

Writer's picture: Agjencia Telegrafike VoxAgjencia Telegrafike Vox
Viktima, z. Irakli Davella.
Viktima, z. Irakli Davella.

Athinë, Greqi | Në kuadër të një sulmi të armatosur u vra z. Irakli Davella, me moshë 45 vjeç.

 

Sulmi i armatosur ndaj tij ngjau mesditën e kësaj të diele në Greqi.

 

Gjatë sulmit të armatosur mbeti i plagosur z. Edi Lulo, me moshë 46 vjeç.

 

Ai u dërgua në spital në gjendje të rëndë, me plagë në kokë dhe bark.

 

Z. Davella konsiderohet si individ që i përket agjenturës shqiptare të krimit ordiner që vepron në Greqi.


Z. Lulo (Edmod Hysa), i cili, ishte shënjestra e sulmit të armatosur ka pasur precedentë penalë që lidhen me një grabitje të ndodhur në vitin 2009, në Greqi, por jo vetëm, ai ka qenë i përfshirë në veprimtari të tjera të paligjshme.

 

Ai është një person i njohur i botës së krimit në Shqipëri dhe në Greqi.

 

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

 

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Z. Edmond Hysa, i njohur edhe si Edi Lulo.
Z. Edmond Hysa, i njohur edhe si Edi Lulo.

Lajm në përditësim, ...👇👇👇


Athinë, Greqi | Një nga armët e sekuestruara nga shtëpia e një prej të dyshuarve si vrasës me pagesë ishte në zotërimin e tij për më pak se 7 ditë, ndërsa ishte e ruajtur në një qese, ku oficerët e Sigurimit grek vlerësuan se ishte gati për t’u përdorur në një kontratë të re vdekjeje që ishte marrë përsipër për tu përmbushur.

 

Z. Edmond Hysa (i njohur edhe si Edi lulo), me moshë 46 vjeç, i cili, mbeti i plagosur në sulmin e armatosur të datës 15 dhjetor 2024 në Athinë tashmë është në gjendje shëndetësore të stabilizuar.

 

Ka kontakt me ambientin, i përgjigjet stimujve por ende nuk mund të flasë. Në fund të fundit, të mos harrojmë se atë paradite në Thrakomakedones, plumbi që e goditi i bëri një… goditje të vogël në kokë, nga mbrapa në pjesën e përparme”, deklaroi një subjekt policor i përfshirë institucionalisht në ngjarjen kriminale për entin mediatik “Zougla”.

 

Tashmë, për autoritetet greke të hetimit penal është krijuar bindja se z.Hysa ishte objektiv i sulmit të armatosur, pavarsisht se i vdekur mbeti z. Irakli Davella, me moshë 47 vjeç, nga fshati Mesopotam, i Finiqit.

 

Objektiv sulmi ishte edhe një tjetër qytetar shqiptar po me origjinë nga fshati Mesopotam.

 

Tashmë autoritetet greke të hetimit penal konsiderojnë si doras dy të dyshuar si vrasës me pagesë të arrestuar prej tyre, konkretisht:

1- Z. Jenis Tulja (i njohur edhe si Denis Ruçi), me moshë 44 vjeç, nga Tirana.

2- Z. Mirjan Guveli (i njohur edhe si Marjo Guveli), me moshë 45 vjeç, nga Saranda.

 

Të dyshuarit u identifikuan pas zbulimit të automjetit “Renault” që u përdor në ngjarjen kriminale.

 

Automjeti është regjistruar vizualisht për herë të parë në materialin video që disponojnë autoritetet greke të hetimit penal katër ditë para sulmit vrasës, në zonën e Smirinës së Re (Nea Smyrni).

 

Nga e njëjta pikë, dy autorët e dyhsuar si vrasës me pagesë kanë nisur më 15 dhjetor 2024 rrugëtimin për në Thrakomakedones.

 

Automjeti në fjalë u pikas më vonë i parkuar dy ditë pas krimit. Pikërisht, këtu autoritetet greke të hetimit penal hynë në lojë duke e vendosur në vëzhgim të pandërprerë, i cili, zgjati 10 ditë.

 

Duke ndjekur subjektin që mori automjetin autoritetet greke të hetimit penal gjetën banesën që shërbente si strehë e të dyshuarve si vrasës me pagesë, e gjendur në rrugën “Nikolaou Plastira”.

 

Katër automjetet e përdorura për të lëvizur pas kryerjes së aktit kriminal ishin të regjistruara në emër të subjekteve të tretë, për të mos rënë në sy, subjekte të cilët mbanin profil të ulët shoqëror.


Prokuroria greke ka ngritur akuzat e parashikuara si:

1- Vrasje.

2- Tentativë vrasjeje.

3- Mbajtje pa leje të armëve luftarake.

4- Flsifikim në bashkëpunim.

5- Grup kriminal.

6- Shpërndarje droge.

 

Dy të arrestuarit do të merren në pyetje mesditën e së enjetes, ndërsa ndodhen në paraburgim.

 

Sipas dosjes hetimore, viktimat ishin duke shkuar në këmbë drejt veturave të tyre, duke u larguar nga një kafene kur u qëlluan me armë zjarri.

 

Autoritetet greke të hetimit penal kanë arritur në konkluzionin se sulmi kriminal ndaj z. Hysa, ndaj z. Davella dhe ndaj një tjetër qytetari shqiptar ishte vazhdim i një tjetër akti kriminal të përgjakshëm dhe lidhet me një mosmarrëveshje mes strukturave të agjenturës shqiptare të krimit ordiner që vepron në territorin e Greqisë.

 

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

 

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Të dyshuarit si vrasës me pagesë Jenis Tulja (i njohur edhe si Denis Ruçi) nga Tirana dhe Mirjan Guveli (i njohur edhe si Marjo Guveli) nga Saranda.
Të dyshuarit si vrasës me pagesë Jenis Tulja (i njohur edhe si Denis Ruçi) nga Tirana dhe Mirjan Guveli (i njohur edhe si Marjo Guveli) nga Saranda.

Lajm në përditësim, …👇👇👇

 

Athinë, Greqi | Autoritetet greke të hetimit penal u sekuestruan të dyshuarve si vrasës me pagesë një mori sendesh të ndryshme.

 

Operacioni policor për kapjen e tyre u zhvillua në “Peristeri” dhe “Nea Smyrni” të Athinës duke çuar në arrestimin e shtetasve Jenis Tulja (i njohur edhe si Denis Ruçi), 44 vjeç nga Tirana dhe Mirjan Guveli (i njohur edhe si Mario Guveli), 45 vjeç nga Saranda.

 

Ata akuzohen për veprat penale të parashikuara si:

1- Pjesëmarrje në organizatë kriminale”.

2- Vrasje”.

3- Armëmbajte pa leje”.

4- Falsifikim”.

5- Mbajtje lëndësh narkotike”.

 

Nga mbledhja dhe vlerësimi i mëvonshëm i të dhënave penale dhe nga i gjithë materiali parahetimor i grumbulluar u arrit të gjendej automjeti i përdorur për kryerjen e aktit kriminal, i parkuar në zonën e Smirinës së Re (Nea Smyrni).

 

Autorët e ngjarjes kriminale kanë përdorur gjithsej 4 automjete për kryerjen e saj, duke lëvizur në mënyrë zinxhir nga njëri në tjetrin, për të shmangur identifikimin dhe zbulimin.

 

Për të shmangur arrestimin nga policia, autorët i kanë ndryshuar targat e automjetit që përdornin për t’iu afruar viktimave, e kanë parkuar vazhdimisht në vende të ndryshme dhe u janë afruar rregullisht për qëllime vëzhgimi, duke mbajtur një profil të ulët, duke mos treguar identitetin e tyre real në kontratën e qirasë.

 

Nga kontrollet e kryera në banesat e tyre gjatë arrestimit, u janë gjetur dhe sekuestruar në cilësinë e provës materiale me karakter kompromentues penal:

1- Dy (2) armë zjarri automatike të gjata krahu “Kallashnikov”.

2- Një (1) armë zjarri automatike “Scorpions”.

3- Dy (2) jelekë antiplumb.

4- Njëqind e tetëmbëdhjetë (118) fishekë luftarakë.

5- Gjashtë (6) krehëra.

6- Tre (3) zhurmëmbytës (silenciatorë).

7- Pranga.

8- Tre (3) thika.

9- Pajisje TASER.

10- Pajisje portative GPS.

11- Gjashtë (6) gramë hashash.

12- Aparate telefonikë të lëvizshëm.

13- Karta SIM.

14- Një (1) dron.

15- Dylbi.

16- Pesë (5) automjete.

17- Çelës automjeti.

18- 79500 € të thata.


Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.


Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Comments

Rated 0 out of 5 stars.
No ratings yet

Add a rating
bottom of page