GREQI: NË KUADËR TË NJË SULMI TË ARMATOSUR MBETI I PLAGOSUR EDI LULO (I NJOHUR SI EDMOND HYSA) | I VRARË MBETI IRAKLI DAVELLA.

I plagosuri, z. Edmond Hysa (i njohur edhe si Edi Lulo).

Athinë, Greqi | Në kuadër të një sulmi të armatosur mbeti i plagosur z. Edi Lulo (i njohur edhe si Edmond Hysa), me moshë 46 vjeç. Ai u dërgua në spital në gjendje të rëndë, me plagë në kokë dhe në bark.

Nga Dubai (ku gjendej) udhëtoi drejt Gjermanisë. Më 9 dhjetor të vitit 2024 ai kishte mbërritur në Greqi nga Dyseldorfi i Gjermanisë.

I vrarë mbeti z. Irakli Davella, me moshë 45 vjeç.

Sulmi i armatosur ngjau në Greqi. Z. Davella konsiderohet si individ që i përket agjenturës shqiptare të krimit ordiner që vepron në Greqi.

Z. Lulo (Edmod Hysa), i cili, ishte shënjestra e sulmit të armatosur ka pasur precedentë penalë që lidhen me një grabitje të ndodhur në vitin 2009, në Greqi, por jo vetëm, ai ka qenë i përfshirë në veprimtari të tjera të paligjshme.

Ai është një subjekt i njohur i agjenturës shqiptare të krimit ordiner që vepron në Shqipëri dhe në Greqi.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Viktima, z. Irakli Davella.

Vendi i ngjarjes kriminale.

Vendi i ngjarjes kriminale.

Të dyshuarit si vrasës me pagesë Jenis Tulja (i njohur edhe si Denis Ruçi) nga Tirana dhe Mirjan Guveli (i njohur edhe Mario Guveli) nga Saranda.