GJYKATA E APELIT TË POSAÇËM LA NË FUQI MASËN E SIGURIMIT VETJAK “ARREST NË BURG” PËR TË EKSTRADUARIN NGA KOLUMBIA ADMIR TUTAJ | AKUZOHET PËR 3 VEPRA PENALE.

Tiranë, Shqipëri | Gjykata e Apelit të Posaçëm la në fuqi masën e sigurimit vetjak “arrest në burg” për z. Admir Tutaj.

Ajo hodhi poshtë kërkesën e tij proceduriale penale për ndryshimin e masës së sigurimit “arrest në burg”.

Vendimi u muar nga gjyqtaja Saida Dollani.

Z. Admir Tutaj u ekstradua nga Kolumbia në Shqipëri në datën 19 shtator 2024, sepse, ishte shpallur në kërkim policor ndërkombëtar i akuzuar për tre vepra penale, në muajin prill të vitit 2023, pas një operacioni të Policisë së Shtetit në portin e Durrësit.

Ndaj tij rëndojnë akuzat penale të:

1- “Trafikimi i armëve dhe municionit”.

2- “Grupi i strukturuar kriminal”.

3- “Kryerja e veprave nga grupi i strukturuar kriminal dhe organizata kriminale”.

Ai u shpall në kërkim policor në muajin prill të vitit 2023, pas një operacioni të Policisë së Shtetit në portin e Durrësit.

Në muajin prill të vitit 2023, shërbimet policore gjetën brenda një automjeti furgon, tip Mercedes-Benz, nje arsenal armësh që ishte fshehur në një tavoline druri.

Hetimet penale të karakterit paraprak kumtuan se arsenali i armëve ishte siguruar nga z. Tutaj në bashkëpunim me disa veta të tjerë, me qëllim trafikimin e tyre drejt Britanisë së Madhe.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit