GJERMANI: SONDAZHI I FUNDIT TREGON SE CDU-ja ËSHTË E PARA NË PREFERENCAT E VOTUESVE; AFD-ja SHKON NË 21% VOTAVE; SPD-ja NË 15% TË VOTAVE.

Berlin, Republika Federale e Gjermanisë | Sondazhi i fundit i bërë nga Insa për gazetën Bild në prag të zgjedhjeve në Gjermani e sheh CDU-CSU ende në vendin e parë, por nën pragun e 30%, ndonëse me një diferencë të vogël (29.5%).

Për z. Merz, do të ishte thelbësore të merrte të paktën 30% për të qenë në gjendje të zhvillonte negociata nga një pozicion më i fortë.

Do të ishte ende një rezultat i rëndësishëm: në vitin 2021 konservatorët u ndalën në 24.1%.

Vendi i dytë pritet për Alternative fuer Deutschland (Afd) me 21%, duke dyfishuar votat e vitit 2021 (10.3%).

Social Demokratët e z. Olaf Sholc (Scholz) janë në 15%, duke humbur më shumë se dhjetë pikë në krahasim me zgjedhjet e fundit (25.7%).

Të Gjelbrit e z. Robert Habeck u ndalën në 12.5% ​​(në vitin 2021 arritën në 14.8%), ndërsa Partia e Majtë buzëqesh me 7.5% krahasuar me 4.9% të votave të vitit 2021, kur nuk e arriti pragun por hyri në parlament vetëm falë disa dispozitave të ligjit zgjedhor.

Në luftë për të hyrë në Bundestagun e ri janë grupi i znj. Sahra Wagenknecht (5%) dhe liberalët e FDP-së, të cilët, me 4.5%, shohin rezultatin e tyre të vitit 2021 (11.5%) të shembet dhe do të mbeten jashtë parlamentit.

Sa më shumë parti të hyjnë në Bundestag, aq më e ndërlikuar bëhet mundësia e një koalicioni “me dy këmbë”, me vetëm dy parti.

Nuk është e ditur që një koalicion mes konservatorëve dhe socialdemokratëve, rezultati më i pritur i këtyre zgjedhjeve, do të ketë shumicën.

Negociatat mes tre forcave politike mund të jenë të ndërlikuara dhe të zgjasin më shumë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit