GJENEVË: MENAXHIMI I PANDEMISË SË ARDHSHME GLOBALE | VENDET E OBSH-së GATI PËR MARRËVESHJE MBARËBOTËRORE.

Gjenevë, Konfederata e Zvicrës | Pas tre vjet diskutimesh dhe një raundi përfundimtar negociatash që zgjatën gati 24 orë, vendet anëtare të Organizatës Botërore të Shëndetësisë (OBSH) kanë arritur një marrëveshje në parim mbi Planin Global për Menaxhimin e Pandemive të Ardhshme.

Kjo është një marrëveshje në parim: delegatët do të takohen të martën në Gjenevë për të rafinuar tekstin dhe për të dhënë miratimin e tyre përfundimtar, ndërsa teksti përfundimtar do të duhet ende të miratohet nga vendet anëtare gjatë Asamblesë Botërore të Shëndetësisë që do të mbahet në muajin maj.

Një rezultat i rëndësishëm për Drejtorin e Përgjithshëm të OBSh-së Tedros Adhanom Ghebreyesus dhe presidentin francez Emanuel Makron, edhe nëse, sipas ekspertëve të ndryshëm, ka ende çështje të rëndësishme kritike për t'u zgjidhur.

Presidenti Makron shprehu menjëherë kënaqësinë e tij për këtë vendim vendimtar në rrjetin social virtual Iks (X).

“Me marrëveshjen në parim për një traktat pandemik, komuniteti ndërkombëtar do të pajiset me një sistem të ri për të na mbrojtur më mirë. Më i shpejtë, më efikas, më i bashkuar dhe më elastik”, shkroi ai.

“Kjo është një shenjë e madhe. Ju jeni pjesë e një historie të pabesueshme në zhvillim”, tha z. Ghebreyesus.

Megjithatë, mbeten disa çështje thelbësore.

Një nga pikat kryesore të mosmarrëveshjes gjatë takimit të së premtes ishte paragrafi 11 i tekstit prej 30 faqesh, i cili, përcakton transferimin e teknologjive për prodhimin e produkteve shëndetësore të lidhura me pandeminë - siç janë ilaçet, testet dhe vaksinat - veçanërisht për të mirën e vendeve në zhvillim.

Vendet e Amerikës Latine po bëjnë presion për të lehtësuar këtë transferim.

Çështja kishte qenë në qendër të protestave në vendet më të varfra gjatë pandemisë Covid-19, kur panë vendet e pasura që grumbullonin doza vaksinash dhe më shumë teste.

Megjithatë, disa vende ku industria farmaceutike është një lojtar kryesor ekonomik, kundërshtojnë idenë e transferimeve të detyrueshme të teknologjisë dhe këmbëngulin në natyrën e tyre vullnetare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit