___.png)
Moskë, Federata Ruse | Rusia po rekruton qindra jemenas për t'i dërguar ata të luftojnë në Ukrainë, sipas asaj që shkruan sot gazeta Kohërat Financiare (Financial Times), e cila citon burime të informuara.
Rekrutime që nxjerrin në pah se si ka një marrëdhënie gjithnjë e më të ngushtë midis Moskës dhe rebelëve shiitë jemenas Huthi, pro-iranianë, të cilët, po luftojnë kundër Izraelit, Shteteve të Bashkuara dhe Perëndimit.
Ata lëshojnë raketa dhe dronë kundër anijeve perëndimore dhe krijojnë probleme serioze për trafikun tregtar në Detin e Kuq.
Gazeta britanike shkruan se ka intervistuar disa prej këtyre rekrutëve jemenas, të prekur nga varfëria ekstreme dhe lufta në shtëpi, të cilët, thonë se kanë udhëtuar në Rusi me premtimin për punë të paguara mirë dhe madje edhe shtetësi.
Por sapo mbërritën, falë entiteteve të lidhura me Huthitë - shkruan gazeta FT - në vend të kësaj ata u rekrutuan me forcë në forcat e armatosura ruse dhe u dërguan për të luftuar në frontin ukrainas, me pak vullnetarë mes tyre.
Rekrutët jemenas, të cilët nuk janë llogaritur sasia, do t'i shtohen kështu listës së forcave mercenare dhe të huaja të përdorura si mish për top, të cilat përfshijnë, përveç 10-12000 koreanoveriorëve, nepalezë, indianë dhe të tjerë nga vende të tjera të Lindjes së Mesme.
Gazeta FT kujton dy fakte, se, z. Putin, me rritjen e përpjekjeve të tij luftarake në Ukrainë, po përpiqet të shmangë mobilizimin e përgjithshëm në Rusi përballë humbjeve të mëdha të njerëzve që pëson në llogore; dhe se Moska, në përplasjen në rritje me Perëndimin, po afrohet gjithnjë e më shumë me Iranin dhe aleatët e tij në Lindjen e Mesme.
Rekrutimi i jemenasve, sipas burimeve të intervistuara nga gazeta FT filloi në fillim të muajit korrik.
Një nga jemenasit, i cili, ka mbajtur kontakte me gazetën FT dhe që e quan veten Nabil, shpjegon se ka marrë premtime për punësim në fushat e sigurisë ose si teknik dhe se shumë si ai janë detyruar të bashkohen me forcat ruse duke nënshkruar kontrata të cilat ata as nuk dinin t'i lexonin.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments