___.png)
Kuçovë, Shqipëri | Strukturat vendore të Policisë së Shtetit arrestuan:
1- Alush Agalliu, me moshë 56 vjeç.
Në kërkim policor u shpall djali i tij banues në fshatin Tapi, Kuçovë.
Ata akuzohen për shkelje penale të parashikuar si:
1- “Fshehja e të ardhurave”.
2- “Mashtrimi me produktet ushqimore”, kryer në bashkëpunim.
Nga veprimet hetimore paraprake të kryera nga subjektet përgjegjës, ka rezultuar se z. Agalliu në bashkëpunim me të birin kanë përshtatur në banesën e tyre një ambient ku përgatisnin përzjerje të vajrave të ndryshëm dhe produkteve të panjohura, më pas i reklamonin në faqen e Facebook “Vaj Ulliri Bio Jugu” dhe i shisnin si vaj ulliri bio.
Nga veprimet hetimore është dokumentuar ligjërisht fakti se autorët e dyshuar i përgatisnin këto produkte në banesën e tyre dhe më pas i tregtonin te shtetas të ndryshëm në të gjithë vendin nëpërmjet një poste private.
Në cilësinë e provës materiale janë sekuestruar rreth 3000 litra lëndë vajore e papërcaktuar, 1000 litra, e dyshuar vaj kikiriku, një lap-top dhe printeri me të cilin printoheshin etiketat postare, 2900 000 lekë dhe 1800 euro, të cilat dyshohet se janë përfituar nga kjo veprimtari e kundraligjshme.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments