___.png)
Athinë, Greqi | Shpërthimet e fundit rreth Athinës janë shuar, por autoritetet mbeten në gatishmëri për shkak të temperaturave rekord të shoqëruara me erëra të forta në të gjithë Greqinë.
Zëdhënësi i Zjarrfikësve, Vasilis Vathrakogianis (Vathrakogiannis), nënvizoi për mediat vendase se monitorimi i zonave me rrezik do të mbetet i lartë dhe prezenca e njësive dhe mjeteve do të jetë masive në rast emergjencash të reja.
Ndërkohë ka nisur vlerësimi i dëmeve: flakët shkaktuan vdekjen e një gruaje dhe plagosën dhjetëra persona, mes të cilëve edhe ekipe shpëtimi.
Mijëra banorë dhe turistë u evakuuan.
Sipas Observatorit Kombëtar Grek, zjarret kanë shkatërruar 10 mijë hektarë të tjerë territor.
Rritje e mëtejshme e temperaturave pritet në 24 orët e ardhshme me maja deri në 40 gradë.
“Ne përpiqemi të përmirësohemi, por kushtet po bëhen gjithnjë e më të vështira”, tha kryeministri Qirjakos Micotaqis (Kyriakos Mitsotakis) në një samit urgjent.
Krahasuar me vitin e kaluar, zjarret janë pothuajse dyfishuar.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments