FEDERATA RUSE | ZËDHËNËSI I KREMLINIT DMITRI (DMITRY) PESKOV: EVROPA ËSHTË PALË NË KONFLIKT DHE NUK MUND TË NDËRMJETËSOJË PËR PAQEN NË UKRAINË.

Moskë, Federata Ruse | “Evropa nuk mund të veprojë si ndërmjetëse në procesin e zgjidhjes së situatës në Ukrainë sepse po lufton përkrah Kievit”.

Kështu tha zëdhënësi i Presidentit Vladimir Putin, Dmitri (Dmitry) Peskov, në një konferencë për shtyp.

“Për momentin, Evropa është palë në konflikt përkrah Ukrainës. Të mos harrojmë se armët evropiane po qëllojnë drejtpërdrejti drejt nesh dhe është e pamundur ta injorojmë këtë”, tha zëdhënësi Peskov, i cituar nga agjencia rus e lajmeve “Interfax”.

“Prandaj, natyrisht, në këtë situatë, Evropa nuk mund të pretendojë të ndërmjetësojë në asnjë mënyrë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit