DRONËT RUSË NË QIELLIN E NATO-s: KONFLIKTI SHTRIHET PËRTEJ UKRAINËS | GJATË NATËS MES SË SHTUNËS DHE TË DIELËS DY DRONË RUSË SHKELËN HAPËSIRËN AJRORE TË RUMANISË DHE LETONISË.

Bukuresht, Rumani | Nuk është hera e parë që një avion rus rrëzohet në territorin kombëtar të një vendi anëtar të NATO-s.

Tashmë dihet se që nga fillimi i luftës në Ukrainë, kjo lloj ngjarje ka ndodhur me frekuencë në rritje, duke gjeneruar alarm dhe pasiguri në mesin e anëtarëve të aleancës.

Siguria e anëtarëve të saj, kujtojmë se ka një kosto, atë të ndërhyrjes kolektive në rast sulmi.

Nëse një anëtar sulmohet, të tjerët duhet t'i vijnë në shpëtim. Është klauzola e ndihmës reciproke, e shkruar në traktatin e NATO-s.

Një klauzolë me potencial të fortë parandalues, por e aftë për të shkaktuar një reaksion zinxhir në bazë të një ngjarjeje, përkufizimi i së cilës i nënshtrohet interpretimit të lirë.

Me pak fjalë, një zonë gri, e cila mbart me vete farën e një konflikti më të gjerë.

Por çfarë ndodhi saktësisht? Në natën ndërmjet të shtunës dhe të dielës, dy drone të kontrolluar nga distanca nga Rusia hynë në hapësirën ajrore të Rumanisë dhe Letonisë.

Dy ngjarje të dallueshme, të cilat demonstrojnë shpeshtësinë me të cilën ndodh ky lloj aksidenti.

Autoritetet rumune thanë se droni ndryshoi kursin drejt Ukrainës pas ndërhyrjes.

Prandaj, si masë paraprake, u vendosën dy avionë luftarakë F-16, të cilët dronin deri në skajin e kufirit kombëtar.

Popullsia e rajonit Tulkea (Tulcea), e vendosur në Detin e Zi, është urdhëruar të strehohet në shtëpi.

Megjithatë, për sa i përket Letonisë, situata është më e ndërlikuar, sepse droni, që dikur shkeli hapësirën ajrore të Letonisë, u rrëzua pranë Rezekne-s, një qytet me rreth 35 mijë banorë, që ndodhet rreth pesëdhjetë kilometra larg Federatës Ruse.

Autoritetet ushtarake ishin veçanërisht të kujdesshme në raportimin e incidentit, duke specifikuar se droni nuk kishte objektiva specifikë në Letoni.

Megjithatë, më pak i kujdesshëm ishte presidenti letonez Edgars Rinkevics, i cili nënvizoi faktin se numri i këtyre aksidenteve po rritet dhe se është e nevojshme të trajtohen kolektivisht.

Ministri i jashtëm i sapozgjedhur ukrainas Andrii Sibiha (Sybiha), nga ana e tij, kujtoi se veprimet agresive të Rusisë shtrihen edhe përtej Ukrainës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit