___.png)
Phenian, Kore e Veriut | Koreja e Veriut akuzon stërvitjet e përbashkëta ushtarake të SHBA-së, Japonisë dhe Koresë së Jugut se demonstrojnë se të tre vendet kanë zhvilluar bashkëpunim që është versioni aziatik i NATO-s.
“Ministria e Jashtme e Phenianit tha se Veriu nuk do të injorojë forcimin e bllokut ushtarak të udhëhequr nga SHBA dhe aleatët e saj dhe do të mbrojë paqen rajonale me një përgjigje agresive dhe dërrmuese”, njoftoi agjencia KCNA.
“Uashingtoni po vazhdon përpjekjet e tij për të lidhur Korenë e Jugut dhe Japoninë me NATO-n, dhe përpjekjet e Seulit për të furnizuar Ukrainën me armë janë një shembull i një përpjekjeje të tillë’, u tha në akuzat e diktatorit Kim.
Operacionet aleate “Freedom Edge” nisën të enjten, duke përfshirë njësi të marinës, avionë luftarakë dhe bërthamorë të SHBA-së, dhe aeroplanmbajtësja Theodore Roosevelt.
Stërvitja synon të forcojë mbrojtjen kundër raketave, nëndetëseve dhe sulmeve ajrore.
Këto janë manovra të konceptuara në samitin e udhëheqësve të tre vendeve të mbajtur në Keimp Deivid (Camp David) vitin e kaluar me qëllim të konsolidimit të bashkëpunimit ushtarak në kontekstin e tensioneve në gadishullin Korean si rezultat i testeve të armëve të Koresë së Veriut.
Seuli, ndër të tjera, tha se do të shqyrtojë mundësinë e furnizimit me armë direkt në Ukrainë, në shenjë proteste kundër paktit të mbrojtjes reciproke të nënshkruar javën e kaluar në Phenian nga diktatori i Koresë së Veriut Kim Jong-un dhe presidenti rus Vladimir Putin.
Koreja e Jugut dhe Shtetet e Bashkuara kanë akuzuar Veriun për furnizim me armë në Moskë të përdorura në luftën kundër Ukrainës, akuza që si Rusia ashtu edhe Koreja e Veriut i mohojnë.
Të shtunën, Partia e Punëtorëve të Koresë së Veriut mbajti një takim të rëndësishëm të kryesuar nga diktatori Kim, i cili trajtoi devijimet që pengojnë zhvillimin ekonomik dhe përshkroi fokuset për gjysmën e dytë të vitit.
Koreja e Veriut i ka dënuar gjithmonë stërvitjet e përbashkëta midis Shteteve të Bashkuara dhe Koresë së Jugut si një provë për një pushtim kundër saj dhe provë e politikave armiqësore të Uashingtonit dhe Seulit.
Vitin e kaluar, të tre vendet zhvilluan stërvitje të përbashkëta të mbrojtjes raketore detare dhe të luftës kundër nëndetëseve për të përmirësuar përgjigjen ndaj kërcënimeve të Veriut.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
コメント