DEPUTETIT NËN HETIM PENAL SALI BERISHA IU SHFUQIZUA MASA E SIGURIMIT VETJAK “ARREST NË SHTËPI” | VENDIMI U MUAR NGA GJYQTARJA E GJKKO-së FLOJERA DAVIDHI.

Tiranë, Shqipëri | Deputetit nën hetim penal Sali Berisha iu shfuqizua masa e sigurimit vetjak “arrest në shtëpi”.

Vendimi u muar nga gjyqtarja e GJKKO-së Flojera Davidhi.

Kundër vendimit të saj doli Prokuroria e Posaçme (SPAK), e cila, do të ankimojë vendimin.

Deputeti nën hetim penal Sali Berisha ndodhej në masën e sigurimit vetjak “arrest shtëpie” që prej 30 dhjetorit të vitit 2023, konkretisht me masë sigurimi prej 331 ditësh.

Masa e arrestit në shtëpi iu shqiptua nga gjyqtarja e GJKKO-së Irena Gjoka, pasi, deputeti nën hetim penal Sali Berisha refuzoi të zbatonte masën e parë të sigurisë, atë të “detyrim paraqitjes”.

Pas ankimimeve në gjykatat më të larta vendimi i gjytqares Irena Gjokës për ndryshimin e masës së sigurimit vetjak nuk u pranua.

Vendimi i masës së sigurimit “arrest në shtëpi” është ankimuar në Gjykatën Kushtetuese të Republikës së Shqipërisë dhe në Gjykatën e të Drejtave të Njeriut në Strasburg.

Deputeti nën hetim penal Sali Berisha akuzohet si i dyshuar për korrupsion në lidhje me privatizimin e ish-kompleksit sportive “Partizani”.

Nën hetim penal për këtë çështje është dhe dhëndri i tij, z. Jamarbër Malltezi, i cili, ndodhet në masë sigurie “arrest shtëpie”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Gjyqtarja e GJKKO-së Flojera Davidhi.