DENONCIMET PËR DHUNË NË FAMILJE U RRITEN ME 64% NË VERI TË GREQISË.

Selanik, Greqi | Një rritje prej 64% e dhunës në familje është raportuar këtë vit në rajonin administrativ të Maqedonisë Lindore-Trakisë.

Ministri i Mbrojtjes Civile Mihalis Krisoçiodhis (Michalis Chrysochoidis) tha të mërkurën se policia kishte regjistruar 465 raste deri më tani (2024), krahasuar me 284 raste në vitin 2023.

Në lidhje me dhunën në familje këtë vit janë arrestuar 350 persona, krahasuar me 197 vitin e kaluar.

Ministri Krisoçiodhis (Chrysochoidis) ia atribuoi rritjen e rasteve të raportuara rritjes së besimit midis grave në rajon.

“Është shpresëdhënëse që gratë në rajon tani ndihen rehat duke raportuar këto incidente; tregon besim”, tha ministri.

Ai gjithashtu theksoi se strehimoret afatshkurtra për viktimat e dhunës në familje janë të disponueshme në çdo rreth.

Ministri Krisoçoidhis (Chrysochoidis) raportoi gjithashtu një rënie të përgjithshme të dhunës ndaj të miturve dhe një rritje të lehtë të numrit të arrestimeve të kujdestarëve përgjegjës.

“Trajtimi kriminal i të miturve është një çështje e ndjeshme dhe palët përgjegjëse janë kujdestarët e tyre”, tha ai.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit