CISTERNA GREKE QË U GODIT NË MUAJIN GUSHT NGA REBELËT HUTHI KALOI KANALIN E SUEZIT | ASAJ IU HOQËN 150000 TON NAFTË BRUTO PËR TË SHMANGUR KATASTROFËN MJEDISORE.

Kairo, Egjipt | Një cisternë greke e naftës, e cila, u godit dhe u dogj gushtin e kaluar në një sulm nga rebelët jemenas pro-iranianë Huthi dhe po transportonte më shumë se një milion fuçi naftë, është tërhequr në mënyrë të sigurt përmes Kanalit të Suezit dhe tani ndodhet në Mesdhe.

Këtë e tha të hënën autoriteti i kanalit.

“Cisterna e naftës Sounion u tërhoq me sukses nga katër rimorkiatorë” përmes kanalit egjiptian dhe tani po shkonte drejt Greqisë, tha në një deklaratë shefi i Autoritetit të Kanalit të Suezit, Osama Rabie.

Sounion u sulmua në Detin e Kuq gushtin e kaluar nga rebelët Huthi, duke marrë zjarr dhe duke humbur fuqinë përpara se ekuipazhi i tij prej 25 anëtarësh të shpëtohej nga një fregatë franceze.

Ngarkesa e saj mund të kishte krijuar një fatkeqësi mjedisore katastrofike.

Nëse Sounion do të ishte copëtuar ose shpërthyer, ajo mund të kishte shkaktuar një derdhje nafte katër herë më të madhe se ajo e shkaktuar nga Exxon Valdez në 1989 pranë Alaskës, thanë ekspertët.

Pjesa e fundit e udhëtimit të anijes pason një operacion një mujor për të transferuar ngarkesën e saj prej 150000 ton naftë bruto në një cisternë tjetër në portin egjiptian të Suezit, ku u tërhoq në siguri një muaj pasi mori flakë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit