___.png)
Ankara, Turqi | Burime të Ministrisë së Jashtme turke mohojnë transferimin e zyrës politike të lëvizjes islamike palestineze Hamas në Turqi.
“Pretendimet se zyra politike e Hamasit është zhvendosur në Turqi nuk pasqyrojnë të vërtetën”, thonë burime në Ministrinë e Jashtme turke, të cituara nga agjencia qeveritare e lajmeve “Anadolu”.
Në fillim të muajit nëntor, burime diplomatike i thanë mediave ndërkombëtare se Katari kishte vendosur t'i jepte fund rolit të tij si ndërmjetës në negociatat midis Izraelit dhe Hamasit dhe se kishte rënë dakord të dëbonte liderët e lëvizjes islamiste nga kryeqyteti Doha pas një kërkese të Shteteve të Bashkuara të Amerikës pas disa muajsh përpjekjesh të dështuara për të bindur grupin palestinez të pranonte një marrëveshje armëpushimi në Rripin e Gazës.
Pas lajmeve për tërheqjen e supozuar të Katarit nga ndërmjetësimi, një zyrtar i nivelit të lartë të Hamasit tha se grupi islamik nuk kishte marrë asnjë indikacion nga vendi i Gjirit për t'u larguar nga Doha, ku zyra e tij politike ka qenë e bazuar prej vitesh.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
댓글