BRAZILI DHE KOLUMBIA KËMBËNGULIN QË VENEZUELA TË BOTOJË AKTET ADMINISTRATIVE ZGJEDHORE | MËNYRA E VETME PËR T'I DHËNË BESUESHMËRI REZULTATIT ZGJEDHOR PRESIDENCIAL.

Bogota, Kolumbi | Qeveritë e Brazilit dhe Kolumbisë kufizohen në “duke marrë parasysh” vendimin e Gjykatës së Lartë të Venezuelës, i cili konfirmon rizgjedhjen e z. Nikolas Maduro (Nicolas Maduro), por këmbëngulin që t'i kërkojë Këshillit Kombëtar Zgjedhor (CNE) të botojë procesverbalet e çdo qendre votimi për të garantuar besueshmërinë e procesit zgjedhor të garës presidenciale të 28 korrikut 2024.

“Besueshmëria e procesit zgjedhor mund të rikthehet vetëm nëpërmjet publikimit transparent të të dhënave të ndara dhe të verifikueshme, domosdoshmëri e cila është pjesë e angazhimeve të marra në negociatat parazgjedhore që përfunduan me nënshkrimin e Marrëveshjeve të Barbadosit ndërmjet Qeverisë dhe Opozitës fryma e transparencës së të cilëve duhet respektuar”, thuhet në njoftimin për shtyp.

Nëse nga njëra anë shprehin kundërshtim total ndaj miratimit të sanksioneve të njëanshme si instrument presioni të konsideruar nga Bogota dhe Brasilia në kundërshtim me të drejtën ndërkombëtare dhe të dëmshme për popullatën, udhëheqësit e dy vendeve qeverive përparimtare të Amerikës së Jugut ftojnë të gjithë të përfshirët në shmangien e përdorimit të akteve të dhunës, në përgjigje të raporteve për arrestime arbitrare, shtypje nga forcat qeveritare, dhe akte frikësimi dhe persekutimi.

Brazili dhe Kolumbia përfundimisht ratifikuan gatishmërinë e tyre për të lehtësuar mirëkuptimin midis palëve dhe sigurimin e mbajtjes së kanaleve të tyre të komunikimit të hapura me palët, në mënyrë që të arrihet një zgjidhje paqësore e krizës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit