BOKSIERI UKRAINAS OLEKSANDR USIK (USYK) KAMPIONI I PADISKUTUESHËM I PESHAVE TË RËNDA TË BOTËS U ARRESTUA NË POLONI POR U LIRUA | PRESIDENTI ZELENSKI I INDINJUAR NGA ARRESTIMI I TIJ.

Varshavë, Poloni | Boksieri ukrainas Oleksandr Usik (Usyk) u arrestua dje dhe më pas u lirua në aeroportin e Krakovit, Poloni.

Këtë e kanë bërë të ditur mediat e Kievit, duke cituar presidentin Volodimir Zelenski dhe parlamentarin ukrainas Zhan Beleniuk.

“Isha i indinjuar nga ky trajtim i qytetarit dhe kampionit tonë”, tha presidenti Zelensky, duke specifikuar se lirimi i boksierit Uski (Usyk) ndodhi pas ndërhyrjes së Ministrisë së Jashtme të Ukrainës.

“Arrestimi u shkaktua nga një keqkuptim që u zgjidh shpejt”, ka shkruar boksieri në një postim në llogarinë e tij në Instagram.

Gruaja e tij Katerina Usik (Kateryna Usyk) ka specifikuar në rrjetet sociale se arrestimi nuk ka lidhje me asgjë kriminale.

37-vjeçari Usik (Usyk) u bë kampioni i padiskutueshëm i peshave të rënda të botës pasi mposhti boksierin britanik Taison Fjuri (Tyson Fury), në muajin maj.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit