BASHKIMI EUROPIAN SHPREHU KEQARDHJE PËR VIZITËN E PRESIDENTIT RUS PUTIN NË MONGOLI DHE DENONCOI SE MONGOLIA NUK PO RESPEKTON ANGAZHIMET E STATUTIT TË ROMËS PËR GJYKATËN NDËRKOMBËTARE PENALE.

Bruksel, Belgjikë | “Bashkimit Europian i vjen keq që Mongolia, një shtet palë në Statutin e Romës të Gjykatës Ndërkombëtare Penale, nuk ka respektuar detyrimet e saj sipas Statutit për ekzekutimin e urdhrit të arrestit”, tha një zëdhënës i Shërbimit Evropian të Veprimit të Jashtëm, në një shënim për vizitën e presidentit rus Vladimir Putin në Mongoli, pavarësisht urdhrit të arrestit të lëshuar kundër tij, nga Gjykata Ndërkombëtare Penale.

Presidenti Putin është subjekt i një urdhri arresti nga GJNP për krime ndërkombëtare, veçanërisht për krimet e supozuara të dëbimit të paligjshëm dhe transferimit të paligjshëm të fëmijëve nga territoret e okupuara përkohësisht të Ukrainës në kontekstin e luftës së tij të paligjshme të agresionit kundër Ukrainës.

“Bashkimi Europian shpreh mbështetjen e tij më të fortë për përpjekjet për të siguruar përgjegjësi të plotë për krimet e luftës dhe krime të tjera më të rënda në lidhje me luftën e agresionit të Rusisë kundër Ukrainës”, thuhet në shënim, duke nënvizuar gjithashtu mbështetjen për hetimet e prokurorit të GJNP-së në Ukrainë.

Bashkimi Europian bën thirrje për bashkëpunim të plotë të të gjitha shteteve palë dhe ripohon mbështetjen e tij të palëkundur për GJNP-në dhe për pavarësinë, sovranitetin dhe integritetin territorial të Ukrainës brenda kufijve të saj të njohur ndërkombëtarisht.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit