BASHKËSHORTJA E PRESIDENTIT TË BRAZILIT JANJA DA SILVA MUNGOI NË CEREMONINË E PAVARËSISË NË BRASILIA | PRESIDENTI KOMUNIST LULA PARAKALOI I VETËM NË ROLLS ROYCE TRADICIONAL PRESIDENCIAL.

Brasilia, Brazil | Zonja e Parë braziliane, Janja da Silva, nuk mori pjesë në paradën e sotme civilo-ushtarake në Brasilia, me rastin e festës së Pavarësisë.

Bashkëshortja e presidentit Luiz Inacio Lula da Silva ishte e ftuar në Katar në festën e pestë të Ditës Ndërkombëtare për Mbrojtjen e Arsimit nga Sulmet.

“Ftesa është bërë në shenjë njohjeje të zërit aktiv të znj. Janja në lidhje me konfliktin në Rripin e Gazës dhe pasojat e tij mbi popullatën civile, veçanërisht fëmijët dhe gratë. Si dhe punën e saj në favor të synimeve të zhvillimit të qëndrueshëm, që përfshin të drejtën për arsim cilësor”, tha zyra e saj e shtypit.

Këtë herë presidenti Lula parakaloi i vetëm në Rolls Royce tradicional presidencial.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit