BARI; ITALI | SULM I ARMATOSUR NDAJ FURGONIT TË BLINDUAR NË RRUGËN PROVINCIALE NGA NJË EKIP KOMANDO PREJ 5 VETASH: MAKINAVE U VU FLAKA; TË SHTËNA ME KALLASHNIKOV; TRAFIKU U BLLOKUA; GRABITJA DËSHTOI.

Sovereto, Bari, Itali | Grupi i armatosur prej të paktën 5 vetash ka ndaluar automjetin e blinduar që po shkonte drejt Barit - midis Bitontos dhe Terlixit (Terlizzi), pranë qytetit të Soveretos.

Një tentativë sulmi ndaj një furgoni të blinduar në zonën e Barit dështoi këtë mëngjes (të hënën, më 5 maj).

Një grup i armatosur prej të paktën 5 personash shënjestroi një automjet të blinduar që po shkonte drejt Barit pranë qytetit të Soveretos, midis Bitontos dhe Terlizzit, në rrugën provinciale 231.

E gjitha ndodhi rreth orës 7:15, kur banditët, të armatosur me kallashnikovë, i vunë flakën një furgoni për të bllokuar përparimin e automjetit të blinduar dhe më pas qëlluan drejt automjetit.

Në bord kishte dy roje sigurie, të cilët mbetën të padëmtuar. Nën zjarrin e grabitësve, ata arritën të devijonin dhe të merrnin një rrugë që të çon në rrugën anësore perëndimore.

Në atë moment, aktivizimi i sistemit të alarmit bëri që grupi të ikte, të cilët, arritën të fitonin terren duke u vënë flakën dy automjeteve, një Fiat Qubo dhe një Fiat Doblò, për të ngadalësuar mbërritjen e karabinierëve.

Sipas asaj që është rindërtuar deri më tani, komandoja iku në këmbë në fshatrat përreth, duke u zhdukur pa lënë gjurmë, e mbrojtur nga tymi dhe flakët e automjeteve të djegura.

Karabinierët e komandës së Modunjos (Modugnos) ndërhynë në vendngjarje dhe tani po kryejnë hetimet penale paraprake.

Dy rojet e sigurisë do të merren në pyetje për të rindërtuar dinamikën e saktë të asaj që ndodhi.

Tre ekipe zjarrfikësish po punojnë për të siguruar zonën dhe për të larguar automjetet e djegura.

Trafiku në rrugën provinciale 231 është aktualisht i bllokuar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit