___.png)
Tiranë, Shqipëri | Strukturat vendore të Policisë së Shtetit gjetën të miturin Aurel Bibaj, nga Postriba, i cili, prej dy ditësh kishte humbur kontaktet me familjen.
Ai u gjet falë bashkëpunimit së Drejtorisë Vendore të Policisë së Shkodrës me Komisariatin nr. 5, të Drejtorisë Vendore të Policisë së Tiranës, dhe njëkohësisht falë bashkëpunimit të familjarëve.
Ai u gjet në zonën e Babrrusë në Tiranë, ndërsa ndodhet në gjendje të mirë shëndetësore.
Prej dy ditësh, i mituri Bibaj kishte humbur kontaktet me familjen e tij në Postribë.
Mëngjesin e djeshëm pasi ka lënë vëllain në shkollë, është larguar duke mos u futur në mësim dhe nuk ka shkuar në shtëpi.
Kjo ka shqetësuar prindërit e tij, ndërsa babai i tij, z. Agim Bibaj denoncoi në polici.
Ai do të merret në pyetje në praninë e psikologëve për arsyet e largimit të tij nga banesa.
Në denoncimin e tij, babai i adoleshentit thotë se nuk ka ushtruar dhunë fizike por vetëm i ka kërkuar llogari, ç’ka dyshohet se e ka irrituar 15-vjeçarin.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments