AURORA TILA ME MOSHË 14 VJEÇE U GJET E VDEKUR: DYSHOHET SE U HODH NGA LARTËSIA E NJË PALLATI NGA NJË INDIVID 15-VJEÇAR ME TË CILIN KISHTE RAPORTE TË KARAKTERIT SENTIMENTAL.

Bolonjë, Itali | Aurora Tila, me moshë 14 vjeç u gjet e vdekur.

Ajo dyshohet se u hodh nga lartësia e një pallati, nga një individ me të cilin dyshohet se kishte raporte të karakterit sentimental, mëngjesin e 25 tetorit të vitit 2024, në rrugën “IV Novembre”, në Piaçenca (Piacenza).

Hetuesit italianë kanë siguruar edhe një video, ku shfaqet “dashnori” i saj duke e dhunuar.

Sipas gazetës italiane “La Repubblica”, videoja është xhiruar rastësisht nga tre vajza në një stacion autobusi.

Aty shfaqet “dashnori” i saj, duke e tërhequr, goditur dhe fyer Aurorën, e cila në ato momente shpëton vetëm falë ndërhyrjes së bashkëmoshatarëve të saj.

Gjithashtu, hetuesit kanë arritur të zbardhin pjesërisht dinamikën e lëvizjeve të vajzës ditën e ngjarjes, para se të humbte jetën.

Sipas dëshmive, “dashnori” 15-vjeçar dallohej për xhelozinë e tij të tepruar.

Fqinjët e pallatit ku ndodhi ngjarja janë shprehur se nuk kanë dëgjuar ndonjë zhurmë të çuditshme apo thirrje për ndihmë.

Ai ka kërkuar ndihmë dhe ka raportuar për vdekjen e Aurorës pak pas orës 08.30.

Aurora u gjet në një pellg gjaku në tarracën e katit të pestë, pas një rënie nga 12 metra lartësi.

“As qiramarrësit e atij apartamenti, thotë Lorenza Dordoni avokatja e familjes, nuk dëgjuan ndonjë gjë”.

Aurora ishte 1.50 metra e gjatë me peshë 33 kilogramë dhe duke marrë parasysh këto karakteristika fizike të saj, sipas autoriteteve ishte e vështirë për të që të ngjitej vullnetarisht mbi parmakë 1.20 metra të lartë.

Edhe sikur të kishte tentuar, “dashnori” i saj ka pasur mundësitë për ta ndaluar.

Mediat italiane shtojnë se kohëve të fundit, Aurora shfaqej e pasigurt për jetën e saj. Frika e saj kishte ardhur pas ndërprerjes për herë të dytë lidhjen me 15-vjeçarin, në fillim të tetorit.

Ndërkohë, familja e Aurorës dhe autoritetet po presin rezultatet e autopsisë, të kryera nga mjeku Xhiovani Çeketo (Giovanni Cecchetto).

“Dashnori” 15-vjeçar po hetohet për vrasje me dashje.

Ai u arrestua pasditen e djeshme nga karabinierët e Piaçencës (Piacenza) të koordinuar nga prokuroria për të mitur të Bolonjës.

Ai u dërgua në burgun për të mitur “Pietro Siciliano”, në “via del Pratello”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit