ARABËT I THONË JO PLANIT TË PRESIDENTIT AMERIKAN TRAMP (TRUMP) PËR NXJERRJEN JASHTË TË PALESTINEZËVE NGA GAZA.

Gazë | Pastrimi i Gazës duke lëvizur palestinezët në Egjipt dhe Jordani; Presidenti amerikan Danlld Tramp (Donald Trump), duke përbuzur rregullat thelbësore të politikës ndërkombëtare, ofroi planin e tij revolucionar për Rripin ndërsa fliste me gazetarët në bordin e avionit presidencial “Air Force One”.

Por shpejt mbërritën votat “JO” nga Kajro dhe Amani, si dhe ato më të dukshmet nga Hamasi dhe Autoriteti Palestinez.

“Unë fola me mbretin Abdullah të Jordanisë dhe i thashë se do të doja që ai të merrej më shumë me këtë çështje, i gjithë Rripi është një fatkeqësi e vërtetë për momentin”, tha presidenti Tramp, duke shprehur gjithashtu gatishmërinë e tij për të folur për idenë e tij me al-Sisin e Egjiptit.

“Më mirë do të angazhohesha me disa kombe arabe dhe të ndërtoj banesa në një vend tjetër ku ata më në fund mund të jetojnë në paqe”, shtoi presidenti amerikan.

Një asistim i papritur për drejtuesit e ekstremit të djathtë izraelit që nuk munguan të shfrytëzojnë rastin.

“Pas 76 vitesh që populli i Gazës jeton në kushte të vështira me aspiratën për të shkatërruar Izraelin, ideja për t'i ndihmuar ata të gjejnë vende të tjera për të filluar një jetë të re është e shkëlqyer”, komentoi ministri Bezalel Smotriç (Smotrich).

Në të njëjtin nivel është edhe ish-ministri i Itamar Ben Gvir. “Ne promovojmë emigracionin vullnetar”, tha ai.

Izraeli, megjithatë, ka mohuar zyrtarisht të ketë plane të tilla. Ideja e deportimit, e cila, i pëlqen shumë presidentit të rikthyer në Shtëpinë e Bardhë, megjithatë u hodh poshtë nga Jordania dhe Egjipti përmes deklaratave zyrtare.

Ashtu siç bëri Autoriteti Palestinez pas një pauze të gjatë për reflektim, me sa duket për shkak të sikletit që vjen nga ajo që vëzhguesit nuk hezitojnë ta cilësojnë si një gabim të kryer nga drejtuesi i Autoritetit.

Mediat palestineze të lajmeve në Bregun Perëndimor transmetuan videon e thirrjes telefonike të urimit të Abu Mazenit ndaj terroristit të Jeninit, Jaser (Yasser) Abu Bakr, i liruar dje në shkëmbimin me ushtaret femra.

Abu Bakri vuante një dënim me 115 vjet burg për armatosjen e celulës që goditi një hotel në vitin 2002, duke vrarë një vajzë 9-vjeçare, një kalimtar të rastit, dy oficerë dhe plagosur 50 persona.

Një lapsus etik dhe politik për presidentin e Autoritetit Palestinez, i cili, së bashku me presidentin e SHBA-ës, ka bërë fushatë të fuqishme për të qeverisur Gazën pas luftës.

Reagimi i Hamasit ndaj idesë së presidentit Tramp erdhi gjithashtu menjëherë dhe ishte i pritshëm.

Sipas Bassem Naim, një anëtar i zyrës politike të organizatës, palestinezët do ta dështojnë idenë e largimit të tyre nga Gaza.

“Ashtu siç kanë prishur çdo plan për shpërngulje dhe atdhe alternativë gjatë dekadave - shtoi ai - edhe këtë herë njerëzit tanë do të prishin plane të tilla”.

Pozicioni i mbajtur nga Xhihadi Islamik Palestinez është edhe më i qartë, sipas të cilit, ideja e presidentit Tramp vetëm inkurajon krimet e luftës.

Megjithatë, presidenti amerikan nuk u kufizua vetëm në një propozim që tingëllon si provokim për palestinezët.

Manjati njoftoi gjithashtu vendimin për t'i dhënë dritën jeshile furnizimeve me armë të reja për Izraelin, furnizime të bllokuara në atë kohë nga administrata Baiden, veçanërisht ato të bombave 900 kg.

Lajmi që padyshim u prit me shumë kënaqësi nga ministri i Jashtëm izraelit Gideon Saar dhe kryeministri Benjamin Netanjahu.

E gjithë kjo ndërkohë që dy armëpushimet, në Liban dhe Gaza, po kërcasin rrezikshëm.

Nga njëra anë, në ditën e 60-të të armëpushimit, Ushtria e Izraelit (IDF) qëlloi mbi një masë civilësh libanezë që me flamujt e verdhë të Hezbollahut po shtynin të ktheheshin në shtëpi në jug të vendit.

Edhe pse Bejruti dhe ushtria nuk kanë filluar kthimin në lindje, pasi ushtria e vendit nuk e ka përfunduar ende vendosjen e saj të plotë, siç bëri në perëndim.

Dhe prania e fundamentalistëve shiitë të mbështetur nga Irani mbetet në zonë dhe ata ende nuk janë zhvendosur plotësisht në veri të lumit Litani.

Me IDF-në që akuzon Hezbollahun se ka shtyrë qëllimisht civilët e zhvendosur në revoltë, duke dërguar provokatorë shiitë për të krijuar incidente dhe për të minuar armëpushimin.

Numri i ditës është aktualisht 22 të vdekur dhe 124 të plagosur, të gjithë libanezë.

Në Gaza, tensioni nuk është më pak i lartë, edhe nëse deri më tani nuk janë raportuar viktima.

Gjatë gjithë ditës, mijëra njerëz të zhvendosur u grumbulluan përgjatë rrugës bregdetare duke pritur që të mund të ktheheshin në veri të Rripit të Gazës.

Marrëveshja e parashikonte por dështimi i djeshëm për lirimin e 29-vjeçarit të rrëmbyer Arbel Jehud (Yehud), një civil dhe një grua, dhe dështimi i Hamasit për të dorëzuar listën e 26 pengjeve të mbetura për t'u liruar në fazën e parë - me specifikimi nëse ata janë gjallë apo të vdekur - bëri që kryeminsitri Benjamin Netanjahu të vendosë të bllokojë gazanët në qendër.

Fraksionet terroriste palestineze kanë thënë se Arbel do të lirohet të premten në këmbim të 30 të burgosurve palestinezë të përjetshëm, por kjo nuk përfshihet në marrëveshjen për lirimin e civilëve, vetëm për ushtrinë.

Prandaj Izraeli ka bërë të ditur se kriza nuk është zgjidhur fare.

Kryeministri Netanjahu: Arbeli, ushtari dhe një burrë tjetër i rrëmbyer u liruan të enjten.

“Pas negociatave të udhëhequra me vendosmëri nga kryeministri Benjamin Netanjahu, Hamasi ka bërë një hap prapa dhe do të kryejë një lirim të mëtejshëm të pengjeve të enjten e ardhshme.

Më pas pengu civil Arbel Jehud (Yehud), ushtari Agam Berger dhe një person tjetër i rrëmbyer do të lirohen”, shkruan në një shënim zyra e kryeministrit izraelit.

“Të shtunën e ardhshme do të lirohen edhe tre pengje të tjera sipas marrëveshjes. Në të njëjtën kohë, Izraeli ka marrë nga Hamasi një listë me kushtet e pengjeve që do të lirohen në fazën e parë. Izraeli do të lejojë kalimin e palestinezëve drejt veriut. Gaza nga nesër në mëngjes”, shton ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit