AMBASADORI ITALIAN NË TIRANË FABRICIO BUÇI (FABRIZIO BUCCI): QENDRAT E EMIGRANTËVE NË SHQIPËRI JANË FUNKSIONALE NGA SOT.

Romë, Itali | “Dy qendrat e pritjes së emigrantëve, të ndërtuara nga Italia në Shqipëri, janë në funksion nga sot dhe jemi gati të mirëpresim emigrantët e parë që vijnë”, bëri të ditur ambasadori italian në Tiranë, Fabricio Buçi (Fabrizio Bucci), gjatë një inspektimi me shtypin në qendër të Shën Gjin.

Këtu është ngritur qendra e parë e pritjes dhe pikërisht këtu, sapo të zbresin nga anija, emigrantët do t'i nënshtrohen kontrolleve shëndetësore, identifikimit dhe gjithashtu do të rifreskohen.

Nga Shën Gjini gjatë ditës, emigrantët do të transferohen më pas në qendrën e pritjes në Gjadër, disa dhjetëra kilometra larg.

Kampi i Gjadërit është i ndarë në tre seksione: më i madhi do të presë emigrantët që kanë aplikuar për azil dhe presin një përgjigje.

I dyti është një CPR (Qendra e Riatdhesimit).

Ata të cilëve u është refuzuar kërkesa për azil do qëndrojnë atje.

Seksioni i tretë, megjithatë, i kushtohet një burgu të vogël, në të cilin, ata që kryejnë krime brenda kampit duhet të mbyllen.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit