ALGJERIA DHE KINA NËNSHKRUAN MARRËVESHJE PËR TË NDËRTUAR KOMPLEKSIN MË TË MADH INDUSTRIAL TË PAJISJEVE SHTËPIAKE NË AFRIKË | 200 MILONË $ INVESTIM.

Pekin, Kinë | Grupi algjerian Condor dhe gjiganti kinez i elektronikës Hisense kanë nënshkruar një marrëveshje për të ndërtuar kompleksin më të madh industrial për prodhimin e pajisjeve shtëpiake në Afrikë.

Kjo u raportua në një njoftim për shtyp nga grupi i Afrikës së Veriut, sipas të cilit, objektivi i këtij partneriteti strategjik është rritja e prodhimit vendas dhe pozicionimi i Algjerisë si një qendër eksporti për tregjet afrikane dhe të Lindjes së Mesme.

Ceremonia e nënshkrimit u zhvillua në Kajro gjatë ngjarjes MAE Hisense 2025, në prani të ambasadorit algjerian në Egjipt, Mohamed Sofiane Berrah, Kryetarit Themelues të Condor, Abderrahmane Benhamadi dhe Zëvendës Presidentit të Hisense për rajonin e Afrikës dhe Lindjes së Mesme, Jason Ou.

Kompleksi do të vendoset në Bordj Bou Arreridj, shtëpia e Condor-it, dhe do të prodhojë dy milionë kondicionerë Hisense në vit, 80 për qind për eksport dhe 20 për qind për tregun vendas.

Nisma, e cila, pritet të gjenerojë mijëra vende pune dhe të rrisë konkurrencën e Algjerisë në sektorin e pajisjeve shtëpiake, është pjesë e strategjisë së diversifikimit ekonomik të vendit që synon reduktimin e varësisë nga importet dhe zhvillimin e një industrie të fortë prodhuese.

Për Hisense, ky partneritet përfaqëson një mundësi për të zgjeruar praninë e saj në Afrikë dhe Lindjen e Mesme, duke u mbështetur në infrastrukturën industriale të Algjerisë për të përmbushur kërkesat rajonale.

Impianti pritet të funksionojë brenda një viti, me një investim të vlerësuar prej 200 milionë dollarësh.

Sapo të funksionojë, uzina pritet të gjenerojë të ardhura vjetore prej 300 milionë dollarësh nëpërmjet eksporteve të kondicionerëve të prodhuar në Algjeri.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit