___.png)
Uashington, Amerikë | Normat e vaksinimit të fëmijëve në mbarë botën janë të ndenjura dhe nuk janë kthyer ende në nivelet para pandemisë.
OKB-ja ngriti alarmin në një deklaratë të përbashkët të UNICEF-it dhe OBSH-së.
Krahasuar me vitin 2019, para pandemisë, 2.7 milionë fëmijë në vitin 2023 nuk janë vaksinuar ende, ose janë vaksinuar jo plotësisht.
“Tendencat e fundit tregojnë se shumë vende vazhdojnë të lënë pas dore shumë fëmijë”, u ankua drejtoresha ekzekutive e UNICEF-it, Kethrin Rasll (Catherine Russell).
Në vitin 2023, vetëm 84% e 108 milionë fëmijëve të prekur kanë marrë në fakt tre doza të vaksinave të difterisë, tetanozit dhe kollës së mirë.
Kjo përqindje nuk ka ndryshuar që nga viti 2022, që do të thotë se progresi modest i vërejtur atë vit, pas rënies së mprehtë për shkak të krizës Covid-19, ka shënuar pak përparim.
Në vitin 2019, para pandemisë, 86% e fëmijëve ishin vaksinuar.
“Ne jemi vonë” pranoi për shtyp znj. Keit Ou’Brain (Kate O'Brien), kreu i vaksinimit në OBSH.
“Mbulimi global i vaksinimit nuk është rikuperuar ende plotësisht nga rënia historike e vërejtur gjatë pandemisë”, shpjegoi ajo.
Në vitin 2023, 14.5 milionë fëmijë në botë ishin në “doza zero”, pra nuk kishin marrë asnjë dozë vaksine, shifër kjo që po rritet duke qenë se ishin 13.9 milionë në 2022 dhe 12.8 milionë në 2019.
“Kjo sjellje vë jetët e fëmijëve më të rrezikuar në rrezik”, paralajmëroi ajo.
Gjysma e fëmijëve të pavaksinuar në botë jetojnë në 31 vende të prekura nga konflikti, ku ata janë në rrezik të veçantë nga disa sëmundje të parandalueshme për shkak të pasigurisë dhe aksesit të pamjaftueshëm në ushqim dhe shërbime shëndetësore.
Në këto vende, fëmijët kanë më shumë gjasa të mos marrin dozat e nevojshme përforcuese.
Në nivel global, 6.5 milionë fëmijë nuk kanë marrë dozën e tretë të vaksinës DTP të nevojshme për të ofruar mbrojtje efektive.
Këto pabarazi në mbulimin e vaksinimit favorizojnë zhvillimin e disa sëmundjeve si fruthi.
Organizatat mirëpresin përparimin në vaksinimin kundër papillomavirusit, i cili është kryesisht përgjegjës për kancerin e qafës së mitrës.
Megjithatë, kjo vaksinë ende arrin vetëm 56% të vajzave adoleshente në vendet me të ardhura të larta dhe 23% në vendet me të ardhura të ulëta, shumë më poshtë objektivit prej 90%.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Commentaires