3 INSTITUCIONET E BE-së: KOMISIONI + KËSHILLI + PARLAMENTI U SHPREHËN NË FAVOR TË KIEVIT PAS ASAJ QË NDODHI NË ZYRËN OVALE NË SHTËPINË E BARDHË DUKE I KUJTUAR PRESIDENTIT ZELENSKI SE NUK ËSHTË VETËM.

Bruksel, Belgjikë | “Dinjiteti juaj nderon guximin e popullit ukrainas.

Ji i fortë, trim, ji i patrembur.

Ju nuk jeni kurrë vetëm, i dashur president Zelenski.

Ne do të vazhdojmë të punojmë me ju për një paqe të drejtë dhe të qëndrueshme”.

Kjo u shkrua në rrjetin social virtual Iks (X) nga presidentja e Komisionit të Bashkimit Europian Ursula Von der Leien (Leyen).

I njëjti mesazh u postua edhe nga presidentja e Parlamentit Evropian, Roberta Metsola.

Disa minuta më vonë, presidenti i Këshillit të Bashkimit Europian Antonio Kosta (Costa), gjithashtu shkroi në rrjetin social virtual Iks (X) të njëjtin mesazh në mbështetje të presidentit Zelenski.

Një mënyrë për të bërë të qartë kompaktësinë e tre institucioneve komunitare, Komisionit, Këshillit dhe Parlamentit në favor të Kievit, pas asaj që ndodhi në Zyrën Ovale, në Shtëpinë e Bardhë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit