___.png)
Bruksel, Belgjikë | Bashkimi Evropian i ka kërkuar qeverisë së diktatorit çavisto-komunist Nikolas Maduro (Nicolás Maduro) që të lirojë të burgosurit politikë dhe të publikojë procesverbalin e zgjedhjeve.
Në një deklaratë të përbashkët të nënshkruar edhe nga 22 vende të tjera, duke përfshirë Shtetet e Bashkuara, Mbretërinë e Bashkuar, Kilin, Argjentinën dhe Kanadanë, të mbledhur në Santo Domingo de Guzmán, kryeqyteti i Republikës Domenikane, u bë një thirrje për një zgjidhje në të cilën dominon demokracia, paqja, drejtësia dhe siguria në Venezuelë.
Teksti gjithashtu thekson se momenti kërkon një dialog të gjerë, gjithëpërfshirës dhe me mirëbesim për të lehtësuar një zgjidhje politike që favorizon pajtimin kombëtar dhe nënvizon se të drejtat e njeriut kërcënohen në këtë moment nga vetë autoritetet venezueliane.
Në deklaratën e tyre, vendet kërkojnë gjithashtu një sjellje të sigurt për gjashtë azilkërkuesit, të cilët janë mbyllur prej muajsh në ambasadën e Argjentinës në Karakas, e marrë nga Brazili pas dëbimit të diplomatëve të Buenos Aires-it.
Së fundi, u përsërit edhe mbështetja për demonstratat paqësore të planifikuara nesër në shtetin e Amerikës së Jugut dhe në mbarë botën.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments