ÇMIMET E ENERGJISË NË MBRETËRINË E BASHKUAR VAZHDOJNË TË RRITEN | PARASHIKIMI PËR MUAJIN PRILL: 6.4% RRITJE | MINISTRI ED MILLIBAND: TREGJET E GAZIT KONTROLLOHEN NGA PETRO-SHTETET DHE DIKTATORËT.

Londër, Mbretëria e Bashkuar | Fatura mesatare vjetore e energjisë në Mbretërinë e Bashkuar do të rritet në 1.849 £ (rreth 2.200 €) nga muaji prill.

Kjo është një rritje vjetore prej 6.4 për qind, e treta radhazi e imponuar nga rregullatori britanik i energjisë Ofgem.

Rritja e çmimeve të gazit dhe energjisë elektrike vjen si pasojë e rritjes së çmimeve në Evropë pas kërkesës së fortë të muajve të fundit.

Ofgem vendosi një rritje prej 1.2 për qind në faturat në janar, pasi temperaturat ranë në të gjithë Evropën dhe çmimet e gazit u rritën në treg.

Z. Ed Milliband, ministri i energjisë i Mbretërisë së Bashkuar, komentoi rritjen e faturave duke thënë se kjo ishte për shkak të një rritjeje globale të çmimeve të gazit, me varësinë e vendit nga karburantet fosile që e bën atë të pambrojtur.

“Tregjet e gazit kontrollohen nga petro-shtetet dhe diktatorët” shpjegoi ministri Miliband, duke bërë thirrje për investime në burimet e rinovueshme për të ulur kostot.

Analistët vunë re se si një dimër i ashpër dhe rënia e rezervave të gazit kontribuan në rritjen e çmimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit